ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ଦିଗ୍ବିଜୟ ସିଂହଙ୍କୁ ମାତ ଦେଇ ଭୋପାଲର ସାଂସଦ ଆସନକୁ ହାସଲ କରିଛନ୍ତି ବିଜେପି ପ୍ରାର୍ଥୀ ସାଧ୍ବୀ ପ୍ରଜ୍ଞା ଠାକୁର । ଏଥିପାଇଁ ମୋଦିଙ୍କୁ ଶ୍ରେୟ ଦେଇଛନ୍ତି ପ୍ରଜ୍ଞା । ସେପଟେ ଭୋପାଲ ନିର୍ବାଚନରେ ପରାସ୍ତ ହେବା ପରେ ସାଧ୍ବୀ ପ୍ରଜ୍ଞାଙ୍କୁ ସମାଲୋଚନା କରିଛନ୍ତି ଦିଗ୍ବିଜୟ ସିଂହ ।
ଦେଶରେ ଆଜି ମହାତ୍ମା ଗାନ୍ଧୀଙ୍କ ବିଚାରଧାରା ହାରିଯାଇଛି ଏବଂ ତାଙ୍କ ହତ୍ୟାକାରୀ ଗଡସେଙ୍କ ବିଚାରଧାରା ଜିତି ଯାଇଛି ବୋଲି ସେ କହିଛନ୍ତି । ନିଜ ପରାଜୟକୁ ସ୍ୱୀକାର କରିବା ସହ ଏନେଇ ଚିନ୍ତା ପ୍ରକାଶ କରିଛନ୍ତି ଦିଗ୍ବିଜୟ ସିଂହ ।
ସୂଚନା ଯୋଗ୍ୟ ଯେ, ମଧ୍ୟ ପ୍ରଦେଶର ପୂର୍ବ ମୁଖ୍ୟମନ୍ତ୍ରୀ ଦିଗ୍ବିଜୟ ସିଂହଙ୍କୁ ଭୋପାଲ ଲୋକସଭା ଆସନରେ ପରାସ୍ତର ସାମ୍ନା କରିବାକୁ ପଡିଛି । ପ୍ରଜ୍ଞା ଠାକୁର ତାଙ୍କୁ 3,64,822 ଭୋଟରେ ପରାସ୍ତ କରିଛନ୍ତି ।
