ହାଇଦ୍ରାବାଦ: କୋରୋନା ସଂକ୍ରମଣ ନେଇ ସମସ୍ତଙ୍କୁ ବିଶେଷ ସତର୍କ ରହିବା ପାଇଁ ଡାକ୍ତରମାନେ ପରାମର୍ଶ ଦେଉଛନ୍ତି । ବିଶେଷତଃ ଶିଶୁ ଓ ବୟସ୍କ ଲୋକଙ୍କୁ ଶୀଘ୍ର କୋରୋନା ସଂକ୍ରମଣ ହେବାର ଆଶଙ୍କା ରହିଥିବା ବେଳେ ଏବେ ଏହି ତାଲିକାରେ ସାମିଲ ହୋଇଛନ୍ତି ମଧୁମେହ ରୋଗୀ । ଏମାନଙ୍କ ଖାଦ୍ୟପେୟରେ ନିର୍ଦ୍ଦିଷ୍ଟତା ଏମାନଙ୍କ ରୋଗ ପ୍ରତିରୋଧକ ଶକ୍ତିକୁ ସାମାନ୍ୟ ବ୍ୟକ୍ତି ତୁଳନାରେ କମାଇଥାଏ । ତେଣୁ ଏମାନଙ୍କୁ ମଧ୍ୟ କୋରୋନା ସଂକ୍ରମଣ ହେବାର ସମ୍ଭାବନା ରହିଛି ବୋଲି ପ୍ରକାଶ କରିଛନ୍ତି ଥିରୁଅନ୍ତପୁରମର ଜଣେ ମଧୁମେହ ରୋଗ ବିଶେଷଜ୍ଞ ।
ତେବେ କୋରୋନା ଓ ମଧୁମେହର କ’ଣ ସମ୍ପର୍କ ରହିଛି । ଏନେଇ ଅନେକଙ୍କ ମନରେ ପ୍ରଶ୍ନ ଉଠିବ । ଏହାର ଉତ୍ତର ହେଉଛି କୋରୋନା ସଂକ୍ରମଣ ସାମାନ୍ୟ ଥଣ୍ଡା କାଶରୁ ଆରମ୍ଭ ହୋଇଥାଏ । ଏହା ଏକ ଡିଆଁ ରୋଗ ହୋଇଥିବା ବେଳେ ମଧୁମେହ ରୋଗୀଙ୍କ ଦୁର୍ବଳ ରୋଗ ପ୍ରତିରୋଧକ ଶକ୍ତି ଯୋଗୁଁ ଏମାନଙ୍କୁ ଅନ୍ୟଙ୍କ ତୁଳନାରେ ଶୀଘ୍ର ଡିଆଁ ରୋଗ ଧରିଥାଏ । ଏଥିପାଇଁ ନିର୍ଦ୍ଦିଷ୍ଟ ସମୟ ବ୍ୟବଧାନରେ ନିଜକୁ ସାନିଟାଇଜ କରିବା ସହ ଏକ ସୁସ୍ଥ ଖାଦ୍ୟାଭ୍ୟାସ ରଖିବାର ଆବଶ୍ୟକତା ରହିଛି ।
ଯଦି ଆପଣ ବି ମଧୁମେହ ରୋଗୀ ତେବେ ଜାଣି ରଖନ୍ତୁ କିଛି ଜରୁରୀ ଟିପ୍ସ :
- ଘରେ ଦୈନିକ ସୁଗାର ସ୍ତର ଚେକ କରନ୍ତୁ ।
- ଘରେ ଅଧିକ ସମୟ ଯାଏଁ ବସି ରୁହନ୍ତୁ ନାହିଁ । କିଛି ଶାରିରୀକ ପରିଶ୍ରମଯୁକ୍ତ କାମ କରନ୍ତୁ ।
- ଦୈନିକ ପ୍ରାୟ 30 ମିନିଟ ପର୍ଯ୍ୟନ୍ତ ବ୍ୟାୟାମ କରନ୍ତୁ ।
- ସାମାଜିକ ଦୂରତ୍ବ ପାଇଁ ଅଳସୁଆ ନହୋଇ ନିଜ ଶୋଇବା ସମୟକୁ ନିର୍ଦ୍ଦିଷ୍ଟ ରଖନ୍ତୁ ଓ ନିର୍ଦ୍ଦିଷ୍ଟ ସମୟରେ ଉଠନ୍ତୁ ।
- ପ୍ରତିଦିନ ଭଲ ଭାବେ ଗାଧାନ୍ତୁ । ଯଦି ଆପଣଙ୍କର ୱାର୍କ ଫ୍ରମ ହୋମ ଥାଏ, ତେବେ ଦୀର୍ଘ ସମୟ ଯାଏଁ ବସି ରୁହନ୍ତୁ ନାହିଁ । ମଝିରେ ମଝିରେ 5 ମିନିଟର ବ୍ରେକ ନେଇ ଚଲାବୁଲା କରନ୍ତୁ ।
- ଶରୀରକୁ ହାଇଡ୍ରେଟ ରଖନ୍ତୁ । ପ୍ରତି ଅଧଘଣ୍ଟାରେ ଥରେ ଟିକେ ଟିକେ ପରିମାଣର ପାଣି ପିଉଥାଆନ୍ତୁ ।
- ଏସବୁ ବାଦ୍ ଯଦି ଆପଣ ସାମାନ୍ୟ ଅସୁସ୍ଥ ଅନୁଭବ କରୁଛନ୍ତି ତେବେ ମେଡିସିନରେ ବ୍ୟତିକ୍ରମ ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
