ନୂଆଦିଲ୍ଲୀ: ଦିଲ୍ଲୀ ହିଂସାରେ ପ୍ରାଣ ହରାଇଥିବା ମୃତକଙ୍କ ଅନ୍ତିମ ସଂସ୍କାର ଏକତ୍ର କରିବାକୁ ନିର୍ଦ୍ଦେଶ ଦେବାପାଇଁ ହାଇକୋର୍ଟରେ ଆବେଦନ । ଆଇନଜୀବୀ ମହମୁଦ ପ୍ରାଚା ଏନେଇ ହାଇକୋର୍ଟରେ ଯାଚିକା ଦାଖଲ କରିଛନ୍ତି । ତେବେ ଏହି ଆବେଦନର ଶୁଣାଣି ହାଇକୋର୍ଟ ଆସନ୍ତାକାଲି କରିବେ ।
ସୂଚନା ମୁତାବକ, ନାଗରିକତା ସଂଶୋଧନ ଆଇନ୍(ସିଏଏ)କୁ ନେଇ ଉତ୍ତର-ପୂର୍ବ ଦିଲ୍ଲୀରେ ସୃଷ୍ଟି ହୋଇଥିବା ହିଂସା ଘଟଣାରେ ଏବେ ସୁଦ୍ଧା 34 ଜଣ ପ୍ରାଣ ହରାଇସାରିଲେଣି । ମୃତ୍ୟୁ ସଂଖ୍ୟା ଧୀରେ ଧୀରେ ବୃଦ୍ଧି ପାଉଛି । ସେପଟେ ମୃତଦେହ ନେବା ପାଇଁ ମୃତକଙ୍କ ପରିବାରକୁ ସମସ୍ୟାର ସମ୍ମୁଖୀନ ହେବାକୁ ପଡୁଛି । ତେଣୁ ସମସ୍ତ ମୃତକଙ୍କୁ ଏକାଠି କରି ସେମାନଙ୍କ ଅନ୍ତିମସଂସ୍କାର କରିବାକୁ ନିର୍ଦ୍ଦେଶ ଦେବା ପାଇଁ ଏହି ଆବେଦନ କରାଯାଇଛି ।
ବ୍ୟୁରୋ ରିପୋର୍ଟ ଇଟିଭି ଭାରତ
