ଦିଲ୍ଲୀ: ପୁଣି ଚର୍ଚ୍ଚାରେ ଦିଲ୍ଲୀ ଶାହିନବାଗ ଅଞ୍ଚଳ । ନାଗରିକତା ଆଇନ ବିରୋଧରେ ବିକ୍ଷୋଭ ପ୍ରଦର୍ଶନ ପୁଣି ଥରେ ଆଶଙ୍କା ଦେଇଛି । ଅଞ୍ଚଳରେ 144 ଧାରା ଲାଗୁ କରାଯିବା ସହ ପୋଲିସ ମୁତୟନ କରାଯାଇଛି ।
ଦିଲ୍ଲୀ ପୋଲିସ ଯୁଗ୍ମ କମିଶନର ଦେବେନ୍ଦ୍ର ଚନ୍ଦ୍ର ଶ୍ରୀବାସ୍ତବ, ଡିସିପି ଅତିରିକ୍ତ ମୀଣା, ଡିସିପି କୁମାର ଜ୍ଞାନେଶ ଓ ଢାଳ ସିଂ ବୁଧବାର ଶାହିନବାଗ ପରିଦର୍ଶନ କରିବା ସହ ସମୀକ୍ଷା କରିଥିଲେ । ଏହା ପରେ ସେଠାରେ ପୋଲିସ ମୁତୟନ କରାଯାଇଛି । ସୂଚନାଯୋଗ୍ୟ, ଦେଶରେ ନାଗରିକତା ସଂଶୋଧନ ଆଇନ, ଜାତୀୟ ନାଗରିକ ପଞ୍ଜିକରଣ ଆଇନ ବିରୋଧରେ ଗତ 3 ମାସ ଧରି ଶାହିନବାଗରେ ଆନ୍ଦୋଳନ ଲାଗି ରହିଥିଲା ।
ବିରୋଧ ସମୟରେ ରାସ୍ତାରେ ତମ୍ବୁ ଲଗାଯାଇ ରାସ୍ତା ବନ୍ଦ ରହିଥିଲା। ଗତ ଥର ଶାହିନ୍ ବାଗଙ୍କ ଧର୍ମଘଟ ସରକାରଙ୍କ ପାଇଁ ମୁଣ୍ଡବ୍ୟଥାର କାରଣ ହୋଇଥିଲା । ତେଣୁ ଏଥର ଆଗୁଆ ଦିଲ୍ଲୀ ପୋଲିସ ପ୍ରସ୍ତୁତ ହୋଇସାରିଛି। ସତର୍କତାମୂଳକ ଭାବେ ଦିଲ୍ଲୀ ପୋଲିସ ଏବଂ ପାରା ମିଲିଟାରୀ ଫୋର୍ସ କର୍ମଚାରୀଙ୍କୁ ନିୟୋଜିତ କରାଯାଇଛି।
ଡିସେମ୍ବର 15ରୁ ଶାହିନବାଗରେ ନାଗରିକତା ସଂଶୋଧନ ଆଇନ, ଏନପିଆ, ଏନସିଆର ବିରୋଧରେ ଜୋରଦାର ବିରୋଧ କରାଯାଉଥିଲା । କୋରୋନା ସଂକ୍ରମଣ ପାଇଁ ଲୋକଙ୍କୁ ଆନ୍ଦୋଳନରୁ ହଟିବାକୁ ପଡିଥିଲା । ଏହା ପୂର୍ବରୁ ସୁପ୍ରିମକୋର୍ଟ 3 ପରାମର୍ଶଦାତାଙ୍କୁ ନିଯୁକ୍ତ କରାଇ ଧାରଣା ହଟାଇବାକୁ ମଧ୍ୟ ଉଦ୍ୟମ କରିଥିଲେ । ଅନଲକ-1 ଜାରି ହେବା ପରେ କଟକଣାକୁ ହଟାଯାଉଥିବାରୁ ପୁଣି ଥରେ ବିକ୍ଷୋଭ ପ୍ରଦର୍ଶନ ଆରମ୍ଭ ହେବା ନେଇ ଆଶଙ୍କା ଦେଖାଦେଇଛି ।
