ନୂଆଦିଲ୍ଲୀ: କରତାରପୁର କରିଡରକୁ ନେଇ ଦିଲ୍ଲୀ ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି । କରିଡର ଦେଇ ଯିବାକୁ ଥିବା ବରିଷ୍ଠ ନାଗରିକଙ୍କ ପାଇଁ ତୀର୍ଥଯାତ୍ରାକୁ ମାଗଣା ରଖାଯାଇଛି । ଶୁକ୍ରବାର ଏହି ଯୋଜନାକୁ ସ୍ବୀକୃତି ପ୍ରଦାନ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
ଦିଲ୍ଲୀ-ଅମ୍ରିତସର-ୱାଘା ବର୍ଡର-ଆନନ୍ଦପୁର ସାହିବର ଏକ ଅଂଶ ହେଉଛି କରତାରପୁର କରିଡର । ଏହା ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ବୋଲି କହିଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ । କରତାରପୁର କରିଡର ଦେଇ ବିନା ଭିସାରେ ଭାରତୀୟ ତୀର୍ଥଯାତ୍ରୀ ଯାତାୟତ କରିପାରିବେ।
ମୁଖ୍ୟମନ୍ତ୍ରୀ ତୀର୍ଥଯାତ୍ରା ଯୋଜନା ଅଧିନସ୍ଥ ଦିଲ୍ଲୀର ପ୍ରତି ବିଧାନସଭା କ୍ଷେତ୍ରରେ ବର୍ଷକୁ ପ୍ରାୟ 1100 ଯାତ୍ରୀଙ୍କୁ ମାଗଣାରେ ଏହି ସୁବିଧା ମିଳିବ । ଏହା କେବଳ ଦିଲ୍ଲୀର ଯାତ୍ରୀଙ୍କ ପାଇଁ ଏବଂ ସେମାନଙ୍କର ବୟସ 60 ବର୍ଷ ହୋଇଥିବା ଆବଶ୍ୟକ।
