ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଇଁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଙ୍ଗଳବାର ପ୍ରାର୍ଥିପତ୍ର ଦାଖଲ କରିଛନ୍ତି। ନାମାଙ୍କନ ବେଳେ ନିଜ ସମ୍ପତ୍ତି ତାଲିକା ନେଇ କେଜ୍ରିୱାଲ ସତ୍ୟପାଠ ମଧ୍ୟ ଦାଖଲ କରିଛନ୍ତି। ସୂଚନା ଯୋଗ୍ୟ ଯେ, ବର୍ଷ 2015ରେ ସତ୍ୟପାଠରେ କେଜ୍ରିୱାଲଙ୍କ ବାର୍ଷିକ ଆୟ 2.7 ଲକ୍ଷ ଟଙ୍କା ରହିଥିଲା । ସେହପରି ବର୍ଷ 2018-19ରେ ଏହା ବୃଦ୍ଧି ପାଇଁ 2.81 ଲକ୍ଷରେ ପହଞ୍ଚିଥିଲା । ସତ୍ୟପାଠ ଅନୁସାରେ ସିଏମ ଅରବିନ୍ଦ କେଜ୍ରିୱାଲଙ୍କ ନାମରେ କୌଣସି କାର ନଥିବା ଦର୍ଶାଯାଇଛି।
ମୁଖ୍ୟମନ୍ତ୍ରୀ କାର୍ଯ୍ୟାଳୟ ନାମରେ ଦିଲ୍ଲୀ ସରକାର ମୋଟ 17 ଗାଡି ଆବଣ୍ଟିତ କରିଛନ୍ତି । ମାତ୍ର ସିଏମ କେଜ୍ରିୱାଲଙ୍କ ନାମରେ ଗୋଟିଏ ବି କାର ତାଲିକାରେ ନାହିଁ । ମାତ୍ର ତାଙ୍କ ପତ୍ନୀଙ୍କ ନାମରେ ମାରୁତି ବାଲୋନେ କାର ପଞ୍ଜିକୃତ ଥିବା ଦର୍ଶାଯାଇଛି।
ଅନ୍ୟପଟେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ନାମରେ ଅପରାଧିକ ମାମଲା ବିଗତ 5 ବର୍ଷ ତୁଳନାରେ ବୃଦ୍ଧି ପାଇଛି। ବର୍ଷ 2015ରେ ସତ୍ୟପାଠରେ ତାଙ୍କ ନାମରେ 10 ଗୋଟି ମାମଲାର ରହିଥିବା ବେଳେ ଏହି ସଂଖ୍ୟା ବୃଦ୍ଧି ପାଇଁ 13ରେ ପହଞ୍ଚିଛି।
ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ 2015ରେ ନିଜ ସତ୍ୟପାଠରେ ତାଙ୍କ ପାଖରେ ଥିବା ସ୍ଥାବର ସମ୍ପତ୍ତିର ମୂଲ୍ୟ 92 ଲକ୍ଷ ଦର୍ଶାଇଥିଲେ। ବର୍ତ୍ତମାନ ବଜାର ଦର ଅନୁସାରେ ଏହି ସମ୍ପତ୍ତିର ମୂଲ୍ୟ ବୃଦ୍ଧି ଘଟି 1.77କୋଟିରେ ପହଞ୍ଚିଛି।
ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ 2020 ସତ୍ୟପାଠ
.ବର୍ଷ 2018-19ରେ ମୋଟ ଆୟ-2,18,375 ଟଙ୍କା
.ପତ୍ନୀଙ୍କ ଆୟ-9,94,790 ଟଙ୍କା
.ନଗଦ ଅର୍ଥ ରାଶି-9.95ଲକ୍ଷ ଟଙ୍କା
.ଅପରାଧିକ ମାମଲା-13
.ସ୍ଥାବର ସମ୍ପତ୍ତିର ମୂଲ୍ୟ-1.77କୋଟି ଟଙ୍କା
