ନୂଆଦିଲ୍ଲୀ: ଦିଲ୍ଲୀ ଆଇଜିଆଇ ବିମାନବନ୍ଦରରୁ 4 କିଲୋ 790 ଗ୍ରାମର ଧଳାଜହର ଜବତ ହୋଇଛି । ଦିଲ୍ଲୀ କଷ୍ଟମ ଅଧିକାରୀ ଧଳାଜହର ଜବତ କରିଛି ।
ସୂଚନା ଅନୁଯାୟୀ ଦିଲ୍ଲୀ ଆଇଜିଆଇ ବିମାନବନ୍ଦରର 2 ଜଣ ଆଫଗାନୀ ଯାତ୍ରୀଙ୍କ ନିକଟରୁ ବ୍ରାଉନସୁଗାର ଜବତ ହୋଇଛି । ଯାହାର ଆନୁମାନିକ ମୂଲ୍ୟ 10 କୋଟି ଟଙ୍କା ହେବ । କଷ୍ଟମ୍ ମୁଖପାତ୍ରଙ୍କ କହିବାନୁସାରେ, ଉଭୟ ଯାତ୍ରୀ ଗ୍ରୀନ୍ ଚ୍ୟାନେଲ୍ ଅତିକ୍ରମ କରିବାବେଳେ କଷ୍ଟମ୍ ଅଧିକାରୀମାନେ ସେମାନଙ୍କୁ ସନ୍ଦେହ କରିଥିଲେ । ଏହା ପରେ କଷ୍ଟମ୍ ଅଧିକାରୀମାନେ ସେମାନଙ୍କୁ ଅଟକାଇ ପରୀକ୍ଷା କରିଥିଲେ। ଏହି ସମୟରେ କଷ୍ଟମ୍ ଅଧିକାରୀମାନେ ସେମାନେ ପିନ୍ଧିଥିବା ଜ୍ୟାକେଟରୁ ବ୍ରାଉନସୁଗାର ଜବତ କରିଥିଲେ। ଯାହାର ମୂଲ୍ୟ ପ୍ରାୟ 10 କୋଟିରୁ ଅଧିକ ହେବ ବୋଲି କୁହାଯାଉଛି ।
ତେବେ ଜବତ ହୋଇଥିବା ଡ୍ରଗ୍ସ ସମ୍ପର୍କରେ ଉଭୟ ଯାତ୍ରୀ କୌଣସି ଉତ୍ତର ଦେଇନାହାନ୍ତି। ତେଣୁ କଷ୍ଟମ ଅଧିକାରୀମାନେ ଏନଡିପିଏସ୍ ଆକ୍ଟ 1985 ଅନୁଯାୟୀ ଡ୍ରଗ୍ସକୁ ଜବତ କରିବା ସହ ଉଭୟ ଯାତ୍ରୀଙ୍କୁ ଗିରଫ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
