ପାଣାଜୀ: କୋରୋନାରେ ଆକ୍ରାନ୍ତ କେନ୍ଦ୍ର ଆୟୁଷ ମନ୍ତ୍ରୀ ଶ୍ରୀପଦ ନାୟକଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହୋଇପଡିଥିବା ଜଣାପଡିଛି । ମଣିପାଲ ହସ୍ପିଟାଲରେ 10 ଦିନରୁ ଚିକିତ୍ସିତ ହେଉଥିବା ଶ୍ରୀପଦଙ୍କ ଶରୀରର ଅମ୍ଳଜାନ ସ୍ତର ସୋମବାର ଅଚାନକ ଖସିଯାଇଥିବା ସୂଚନା ଦେଇଛନ୍ତି ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତ ।
ମୁଖ୍ୟମନ୍ତ୍ରୀ ପ୍ରମୋଦ ସାଓ୍ବନ୍ତଙ୍କ କହିବା ଅନୁଯାୟୀ ଆୟୁଷ ମନ୍ତ୍ରୀଙ୍କ ସ୍ବାସ୍ଥ୍ୟାବସ୍ଥା ଯାଞ୍ଚ ପାଇଁ ଦିଲ୍ଲୀ ଏମ୍ସର ଏକ ଟିମ ଗୋଆ ଆସୁଛନ୍ତି । ତେବେ ସମୀକ୍ଷା ପରେ ଶ୍ରୀପଦଙ୍କୁ ଦିଲ୍ଲୀ ସ୍ଥାନାନ୍ତର କରାଯିବ କି ନାହିଁ ଏ ବିଷୟରେ ନିଷ୍ପତ୍ତି ନିଆଯିବ ।
କୋରୋନା ପଜିଟିଭ ଚିହ୍ନଟ ହେବା ପରେ ହୋମ ଆଇସୋଲେସନରେ ଥିବା କେନ୍ଦ୍ର ଆୟୁଷ ମନ୍ତ୍ରୀ ଶ୍ରୀପଦ ନାୟକଙ୍କୁ ପାନାଜୀର ମଣିପାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଉତ୍ତର ଗୋଆରରୁ ବିଜେପିର ସାଂସଦ ଥିବା 67 ବର୍ଷିୟ ବିଜେପି ସାଂସଦ ଶ୍ରୀପଦ ନାୟକ ଓ ତାଙ୍କ ପତ୍ନୀ ଉଭୟ କୋରୋନା ପଜିଟିଭ ଚିହ୍ନଟ ହୋଇଥିଲେ ।
