ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଦକର ଆଜି(ମଙ୍ଗଳବାର) କହିଛନ୍ତି ଯେ କୋଭିଡ ମହାମାରୀ ଲୋକଙ୍କୁ ଯୋଗାଯୋଗର ନୂତନ ଉପାୟ ଚିନ୍ତା କରିବାକୁ ବାଧ୍ୟ କରିଛି। FICCI Frames 2020 ର ଉଦଘାଟନୀ ଅଧିବେଶନକୁ ସମ୍ବୋଧିତ କରି ଜାଭେଦକର ଏହା କହିଛନ୍ତି ।
ସେ ଏହା ମଧ୍ୟ କହିଛନ୍ତି ଯେ ମହାମାରୀକୁ ଦୃଷ୍ଟିରେ ରଖି ଭାରତରେ ଚଳଚ୍ଚିତ୍ର ସୁଟିଂ ପାଇଁ ସରକାର SOP ସହିତ ଜଲଦି ଆସୁଛନ୍ତି। ସ୍ଥଗିତ ଥିବା ଚଳଚ୍ଚିତ୍ର ନିର୍ମାଣକୁ ପୁଣି ଆରମ୍ଭକୁ କରିବା ପାଇଁ ମନ୍ତ୍ରୀ କହିଛନ୍ତି ଯେ ଟିଭି ସିରିଏଲ, ଆନିମେସନ୍ ଓ ଗେମିଂ ସମେତ ସମସ୍ତ କ୍ଷେତ୍ରରେ ଉତ୍ପାଦନ ପ୍ରୋତ୍ସାହନ ସହିତ ସରକାର ଆସୁଛନ୍ତି ।
ଖୁବ ଶୀଘ୍ର ଏନେଇ ପଦକ୍ଷେପ ଘୋଷଣା କରାଯିବ ବୋଲି ମନ୍ତ୍ରୀ ସୂଚନା ଦେଇଛନ୍ତି। ସେ କହିଛନ୍ତି ଯେ ଭାରତୀୟ ଗଣମାଧ୍ୟମ ଓ ମନୋରଞ୍ଜନ କ୍ଷେତ୍ରର ଗୁରୁତ୍ବକୁ ଯଥେଷ୍ଟ ଧ୍ୟାନ ଦିଆଯିବ କାରଣ ଏହି କ୍ଷେତ୍ର ଲକ୍ଷ ଲକ୍ଷ ନିଯୁକ୍ତି ସୃଷ୍ଟି କରିଥାଏ।
