ମୁମ୍ବାଇ: କୋରୋନାରେ ଭାରତ ଅସ୍ତବ୍ୟସ୍ତ ହେବାର ପ୍ରଥମ ସୋପାନରେ ପହଞ୍ଚିଛି । ଦେଶରେ ଆର୍ଥିକ ଓ ବାଣିଜ୍ୟିକ ରାଜଧାନୀ ମହାରାଷ୍ଟ୍ର ଏବେ କୋରୋନା ଆତଙ୍କରେ ସର୍ବାଧିକ ପୀଡିତ । ରାଜ୍ୟରେ କ୍ରମଶଃ କୋରୋନା ସଂକ୍ରମଣଙ୍କ ସଂଖ୍ୟା ବଢିବାରେ ଲାଗିଛି । ଏପରିସ୍ଥଳେ ଜେଲରେ କୋରୋନା ସଂକ୍ରମଣର ଭୟ ଆଶଙ୍କା କରି ରାଜ୍ୟ ସରକାର 11000 କଏଦୀଙ୍କୁ ମୁକ୍ତ କରିବା ପାଇଁ ନିଷ୍ପତ୍ତି ନେଇଛନ୍ତି ।
ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ କହିଛନ୍ତି ଯେ, ରାଜ୍ୟ ଜେଲରେ ଯାତାୟାତକୁ ହ୍ରାସ କରିବା ଏବଂ କୋରୋନା ବିସ୍ତାରକୁ ରୋକିବା ପାଇଁ ସରକାର ପ୍ରାୟ 11,000 କଏଦୀଙ୍କୁ ପାରୋଲ କିମ୍ବା ସାମୟିକ ଭାବେ ରେ ମୁକ୍ତ କରିବେ। ସେ କହିଛନ୍ତି ଯେ 7 ବର୍ଷ କିମ୍ବା ତା’ଠାରୁ କମ୍ ଦଣ୍ଡାଦେଶ ମାମଲାରେ ଜେଲରେ ଥିବା ସମସ୍ତ କଏଦୀଙ୍କ ପାଇଁ ଏହି ନିଷ୍ପତି ଲାଗୁ ହେବ ।
ଏଠାରେ ସୂଚନା ଯୋଗ୍ୟ ଯେ, ସାରା ଦେଶରେ ବର୍ତ୍ତମାନ ସୁଦ୍ଧା ପରିବାର ଓ ସ୍ବାସ୍ଥ୍ୟ କଲ୍ୟାଣ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ 694 ସଂକ୍ରମିତ ରହିଛନ୍ତି । 47 ବିଦେଶୀ ନାଗରିକ ରହିଛନ୍ତି । ସେହିଭଳି ବର୍ତ୍ତମାନ ସୁଦ୍ଧା କୋରୋନାରେ 16ଜଣଙ୍କ ମୃତ୍ୟୁ ହୋଇଥିବା ବେଳେ 45 ଜଣ ଆରୋଗ୍ୟ ହୋଇଛନ୍ତି ।
ଅନ୍ୟପଟେ ମହାରାଷ୍ଟ୍ରରେ ସଂକ୍ରମଣ ରିପୋର୍ଟ 121ରେ ପହଞ୍ଚିଛି । 3 ଜଣ କୋରୋନା ସଂକ୍ରମିତ ପ୍ରାଣ ହରାଇଛନ୍ତି ।
@ANI, ଇନପୁଟ
