କୋଇମ୍ବାଟୋର: ଲୋକେ ନିଜ ବିବାହ ଦିନକୁ ସ୍ମରଣୀୟ କରିବା ପାଇଁ ଅନେକ କିଛି ପ୍ରୟାସ କରିଥାନ୍ତି । କିଏ ଡେଷ୍ଟିନେସନ ମ୍ୟାରେଜ କରୁଥିବା ବେଳେ ଆଉ କିଏ କରୁଛି ଉଡନ୍ତା ପ୍ଲେନରେ ବିବାହ । ମାତ୍ର ଆମେ ଆପଣଙ୍କୁ ଦେଖାଇବୁ ଏକ ନିଆରା ବିବାହ । ଯେଉଁଠି CAA, NRC ବିରୋଧ ପ୍ରଦର୍ଶନ ବେଳେ ପରସ୍ପରର ହାତ ଧରିଛନ୍ତି ଦମ୍ପତି ।
CAA ବିରୋଧ ସ୍ଥଳରେ ବିବାହ
ଏମିତି ଏକ ବିବାହ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି ଏସ୍ ଅବଦୁଲ କଲାମ(24) ଓ ରେସମା ସିରିନ୍(19) । ସେମାନଙ୍କ ବିବାହ 3 ମାସ ପୂର୍ବରୁ ସ୍ଥିର ହୋଇଥିଲା । ସେମାନେ ନିଜ ବିବାହ ପାଇଁ ମଧ୍ୟ ଏକ ହଲ୍ ହୁକ୍ କରିଥିଲେ । ମାତ୍ର ବର୍ତ୍ତମାନ ସ୍ଥିତିକୁ ନଜରରେ ରଖି ଏମାନେ ଗୁରୁବାର 2 ହଜାର ପ୍ରଦର୍ଶନକାରୀଙ୍କ ମଧ୍ୟରେ କୋଇମ୍ବାଟୋରର ପରସ୍ପରର ହାତ ଧରିଛନ୍ତି ।
