ନୂଆଦିଲ୍ଲୀ: ମହାମାରୀ କୋରୋନା ଲଢେଇରେ ନିଜର ଦିନ ରାତି ଏକ କରିଥିବା ପୋଲିସ ଏବଂ ସ୍ବାସ୍ଥ୍ୟ କର୍ମୀ, ଡାକ୍ତରଙ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦ୍ରଗୃହମନ୍ତ୍ରୀ ଜି କିଶନ ରେଡ୍ଡି । ସେ କିଛି ପୋଲିସକର୍ମୀଙ୍କ ଫଟୋ ଟ୍ବିଟରେ ସେୟାର କରି ସମାଜ ପ୍ରତି ସେମାନଙ୍କର କର୍ତ୍ତବ୍ୟକୁ ଦେଇଛନ୍ତି ସମ୍ମାନ ।
କାମ ଯୋଗୁଁ କାର୍ଯ୍ୟରତ ପୋଲିସ କର୍ମୀ ବା ଡାକ୍ତର ଘରକୁ ଯିବା ସମ୍ଭବ ହୋଇ ପାରୁନାହିଁ । ରେଡ୍ଡି ସେୟାର କରିଥିବା 4ଟି ଫଟୋରୁ ଗୋଟିଏ ଫଟୋରେ ଜଣେ ପୋଲିସ କର୍ମୀ ରାସ୍ତାରେ ବସି ଖାଦ୍ୟ ଖାଉଥିବା । ଅନ୍ୟ ଫଟୋରେ ଡାକ୍ତର 5 ଦିନ ପରେ ନିଜ ଘରକୁ ଯାଇ ପରିବାରକୁ ଭେଟିବା ସହ ବାହାରେ ବସି ଚା ପିଉଥିବାର ଫଟୋ ରହିଛି । ଅନ୍ୟ ଦୁଇଟି ଫଟୋରେ ମଧ୍ୟ ପୋଲିସ କର୍ମୀ ରହିଛନ୍ତି ।
ଏମାନେ ଆଗଧାଡିର ଯୋଦ୍ଧା ବା ସୁପରମ୍ୟାନ ବୋଲି କହିଛନ୍ତି ରେଡ୍ଡି। ଭଗବାନ ଏମାନଙ୍କ ଶକ୍ତି ଦିଅନ୍ତୁ ଏମାନଙ୍କ ପରିବାରକୁ ସୁରକ୍ଷିତ ରଖନ୍ତୁ ବୋଲି କହିଛନ୍ତି ସେ ।
