ଚଣ୍ଡିଗଡ: ସାରା ବିଶ୍ବରେ ଆତଙ୍କ ସୃଷ୍ଟିକାରୀ କୋରୋନା ଭାଇରସର ପ୍ରଭାବ ଦିନକୁ ଦିନ କାୟା ବିସ୍ତାର କରିବାରେ ଲାଗିଛି । ଗତ 48 ଘଣ୍ଟା ମଧ୍ୟରେ ଆହୁରି 10ଟି ଦେଶରେ ନିଜର କାୟା ବିସ୍ତାର କରିଛି କୋରୋନା ।
ବୁଧବାର ସୁଦ୍ଧା 25 ବିଦେଶୀଙ୍କୁ ମିଶାଇ ଭାରତରେ କୋରୋନା ଆକ୍ରାନ୍ତଙ୍କ ସଂଖ୍ୟା 161ରେ ପହଁଞ୍ଚିଥିବାବେଳେ ଗୁରୁବାର ଚଣ୍ଡିଗଡରୁ ଆସିଛି ଆଉ ଏକ କୋରୋନା ପଜେଟିଭ ମାମଲା ।
ଚଣ୍ଡିଗଡ଼ର ଜଣେ ଯୁବତୀଙ୍କଠାରେ ଏହି ଭୂତାଣୁ ଚିହ୍ନଟ ହୋଇଛି। ତେବେ ମହିଳା ଜଣଙ୍କ ଇଂଲଣ୍ଡରୁ ଆସିଥିବା ସୂଚନା ମିଳିଛି ।
ଏଠାରେ ସୂଚନାଯୋଗ୍ୟ, ବୁଧବାର ତେଲେଙ୍ଗାନାରେ 7 ଆକ୍ରାନ୍ତ ଚିହ୍ନଟ ହୋଇଥିଲେ । ଏହି କ୍ରମରେ ଭାରତରେ କୋରୋନା ଆକ୍ରାନ୍ତଙ୍କ ସଂଖ୍ୟା 162ରେ ପହଞ୍ଚିଛି ।
