ନୂଆଦିଲ୍ଲୀ: ଦେଶରେ ଏବେ ଧିରେ ଧିରେ କମୁଛି କୋରୋନା ସଂକ୍ରମଣ । ଲଗାତାର କିଛି ଦିନ ହେବ 50 ହଜାରରୁ ତଳକୁ ରହୁଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଗତ 24 ଘଣ୍ଟାରେ 31 ହଜାର118 ନୂଆ ସଂକ୍ରମିତ ଚିହ୍ନଟ ହୋଇଛି । ଯେଉଁଥିରେ 482 ଜଣଙ୍କର ମୃତ୍ୟୁ ହୋଇଛି । ଏନେଇ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ସଦ୍ୟତମ ରିପୋର୍ଟକୁ ମିଶାଇ ବର୍ତ୍ତମାନ କୋରୋନା ଆକ୍ରାନ୍ତଙ୍କ ସଂଖ୍ୟା 94 ଲକ୍ଷ 62 ହଜାର 810 ଏବଂ ମୃତ୍ୟୁ ସଂଖ୍ୟା 1 ଲକ୍ଷ 37 ହଜାର 621କୁ ଛୁଇଁଛି ।
ତେବେ, ମୋଟ ସଂକ୍ରମିତଙ୍କ ମଧ୍ୟରୁ ଗତ 24 ଘଣ୍ଟା ମଧ୍ୟରେ 41,985 କୁ ମିଶାଇ ସର୍ବମୋଟ 88 ଲକ୍ଷ 89 ହଜାର 585 ଆରୋଗ୍ୟ ହୋଇ ଘରକୁ ଫେରିଥିବା ବେଳେ 4 ଲକ୍ଷ 35 ହଜାର 603 ଜଣ ସଂକ୍ରମିତ ବିଭିନ୍ନ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।
@ ANI
