ଡେରାଡୁନ: କୋରୋନା ଭାଇରାସ ସହ ମୁକାବିଲା କରିବା ପାଇଁ 21ଦିନ ପାଇଁ ସାରା ଭାରତକୁ ଲକ୍ ଡାଉନ୍ କରାଯାଇଛି । ତେବେ ଏହି ଲକ୍ ଡାଉନ୍ ସମୟରେ ଆଶ୍ରୟହୀନଙ୍କ ଉପରେ ବେଶ୍ ପ୍ରଭାବ ପଡୁଛି । ତେବେ ଏପରି ଲୋକଙ୍କ ସାହାଯ୍ୟ ପାଇଁ ଆଗେଇ ଆସିଛନ୍ତି ଲକ୍ସରରେ ମିତ୍ର ପୋଲିସ । ସେହି ଅସହାୟ ବ୍ୟକ୍ତିଙ୍କୁ ଖାଦ୍ୟ ଅନ୍ବେଷଣରେ କୁଆଡେ ବୁଲିବାକୁ ଆଉ ପଡିବ ନାହିଁ, ପୋଲିସ ସେମାନଙ୍କୁ ପ୍ରତିଦିନ ଖାଦ୍ୟ ଯୋଗେଇ ଦେବେ ।
ଲକ୍ସରରେ ଉତ୍ତରାଖଣ୍ଡ ମିତ୍ର ପୋଲିସ ନିଜର ଦାୟିତ୍ବ ସମ୍ପୂର୍ଣ୍ଣ ରୂପେ ତୁଲାଉଛନ୍ତି । ରାସ୍ତାରେ ଥିବା ଅସହାୟ ଲୋକଙ୍କୁ ପୋଲିସ ପକ୍ଷରୁ ଭୋଜନ ଦିଆ ଯାଉଛି । ଏଥିସହ ଲକ୍ ଡାଉନ୍ ଯୋଗୁଁ ଫସି ରହିଥିବା ଲୋକଙ୍କ ସାହାଯ୍ୟ କରୁଛନ୍ତି ମିତ୍ର ପୋଲିସ ।
ଆମ ଦେଶରେ ଏପରି ଲୋକ ଅଛନ୍ତି ଯେଉଁମାନେ 2ଓଳିର ଖାଇବା ଖାଇ ପାରନ୍ତି ନାହିଁ । ତେବେ ଲକ୍ସରର ମିତ୍ର ପୋଲିସ ସେହିପରି ଲୋକଙ୍କୁ ଚିହ୍ନଟ କରି ତାଙ୍କ ପାଖରେ ଭୋଜନ ପହଞ୍ଚାଉଛନ୍ତି ।
ଲକ୍ସର କୋତଓ୍ବାଲି ଏସଏସଆଇ ଅଭିନବ ଶର୍ମା କହିଛନ୍ତି ଯେ, ଆଶ୍ରୟହୀନଙ୍କ ଘର ନଥିବାରୁ ସେମନାଙ୍କୁ ବହୁତ ସମସ୍ୟାର ସମ୍ମୁଖୀନ ହେବାକୁ ପଡୁଛି । ସେମାନଙ୍କୁ ପୋଲିସ ପକ୍ଷରୁ ଖାଦ୍ୟ ଯୋଗେଇ ଦିଆଯାଉଛି ଓ ମାସ୍କ ମଧ୍ୟ ବଣ୍ଟା ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
