ଗୌହାଟୀ: ଜନ୍ମଦିନ ପାଳନ କରିବା ଏବେ ଏକ ଫ୍ୟାସନରେ ପରିଣତ ହୋଇଗଲାଣି । କିଏ କେକ କାଟି ସେଲିବ୍ରେସନ କରୁଛି ତ ଆଉ କିଏ ଏହାକୁ ସ୍ମରଣୀୟ କିରବାକୁ ଅନ୍ୟ କିଛି ଉପାୟ ଆପଣାଉଛି । କିନ୍ତୁ ଆସାମ ମାରିଆନୀର କଂଗ୍ରେସ ବିଧାୟକ ରୁପ୍ୟଜ୍ୟୋତି କୁରାମି ନିଜର ଜନ୍ମଦିନକୁ ନିଆରା ଢଙ୍ଗରେ ପାଳନ କରିଛନ୍ତି ।
ସେ ନିଜର 42 ତମ ଜନ୍ମଦିବସରେ ଶରୀରର କିଛି ଅଙ୍ଗପ୍ରତ୍ୟଙ୍ଗ ଦାନ କରିବାକୁ ଇଚ୍ଛା ପ୍ରକାଶ କରିବା ସହ ନିଜ ଦରମାରୁ 1 ଲକ୍ଷ ଟଙ୍କା ଦାନ କରିବାକୁ କହିଛନ୍ତି । ପରବର୍ତ୍ତୀ ସମୟରେ ଉକ୍ତ ଟଙ୍କାରେ ଏକ ଏୟାର ଆମ୍ବୁଲାନ୍ସ କ୍ରୟ କରିବାକୁ ସେ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି ।
" ଜୁଲାଇ 24 ରେ ମୋର 42 ତମ ଜନ୍ମଦିବସ ଥିଲା । ଏହିଦିନ ଶରୀରର କିଛି ଅଙ୍ଗପ୍ରତ୍ୟଙ୍ଗ ଯେପରିକି କିଡନୀ, ଲିଭର ଓ ଆଖି ଦାନ କରିବା ଏକ ଗୌରବର କଥା" ବୋଲି କଂଗ୍ରେସ ନେତା ରୁପ୍ୟଜ୍ୟୋତି ଗଣମାଧ୍ୟମକୁ ସୂଚନା ଦେଇ କହିଛନ୍ତି ।
ଆସାମ ଜିଲ୍ଲାର 400 କିମି ଦୂରରେ ଅବସ୍ଥିତ ଗାଁରୁ କୌଣସି ରୋଗୀକୁ କିଡନୀ ଓ ଲିଭର ଦରକାର ଅଛି । କିନ୍ତୁ ଏବେ ସୁଦ୍ଧା ଆସାମରେ ଏପରି ଉନ୍ନତଜ୍ଞାନକୌଶଳର ପ୍ରତିଷ୍ଠା କରାଯାଇନାହିଁ ଯାହାଦ୍ବାରା ରୋଗୀ ଶୀଘ୍ର ଉପକୃତ ହେବା ସହ ଏହି ସବୁ ଅର୍ଗାନ ପାଇପାରିବେ। ତେଣୁ ଆସାମରେ ଏକ ଏୟାର ଆମ୍ବୁଲାନ୍ସର ଆବଶ୍ୟକତା ରହିଥିବା ବିଧାୟକ କହିଛନ୍ତି । ସେ ଏଥିପାଇଁ 1 ଲକ୍ଷ ଟଙ୍କା ପ୍ରଦାନ କରିଛନ୍ତି ବାକି ଅର୍ଥ କେନ୍ଦ୍ର ସରକାର ପ୍ରଦାନ କରିବେ ବୋଲି ସେ ଆଶା ରଖିଛନ୍ତି ।
