ଲକ୍ଷ୍ନୌ: ସୋନଭଦ୍ରା ଗୁଳିକାଣ୍ଡ ଘଟଣାରେ ପୀଡିତଙ୍କ ପରିବାରକୁ କଂଗ୍ରେସ 10 ଲକ୍ଷ ଟଙ୍କା ସହାୟତା ଦେବ ବୋଲି ପ୍ରିୟଙ୍କା ଗାନ୍ଧୀ ଭଦ୍ରା ଘୋଷଣା କରିଛନ୍ତି । ପୀଡିତଙ୍କ ପରିବାରକୁ ଭେଟିବା ସହ ତାଙ୍କର ଉଦ୍ଦେଶ୍ୟ ସାଧିତ ହୋଇଛି ବୋଲି ପ୍ରିୟଙ୍କା କହିଛନ୍ତି ।
ପ୍ରିୟଙ୍କା ଏବେ ବି ପୋଲିସ ହେପାଜତରେ ଥିବା କହିଛନ୍ତି । ଏହା ସହିତ ପ୍ରଶାସନ କଣ କହୁଛି ଦେଖାଯାଉ ବୋଲି ସେ ପ୍ରକାଶ କରିଛନ୍ତି ।
ସେହିପରି ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ଦିନେଶ ଶର୍ମା ଏହି ଘଟଣାରେ ରାଜନୈତିକ ଉଦ୍ଦେଶ୍ୟ ନିହିତ ଅଛି ବୋଲି କହିଛନ୍ତି । ଘଟଣାସ୍ଥଳରେ 144 ଧାରା ଜାରି ହୋଇଥିବାବେଳେ ଯଦି ଏହାକୁ ନେଇ ରାଜନୈତିକ ଉଦ୍ଦେଶ୍ୟ ରଖାଯାଏ । ତାହେଲେ ଏହା ଠିକ୍ ନୁହେଁ ବୋଲି ଉପମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି । କେହି ବି ସମ୍ବେଦନଶୀଳ ଘଟଣାରେ ରାଜନୀତି କରିବା ଉଚିତ ନୁହେଁ । ଆମ ସରକାର ଶାନ୍ତିରକ୍ଷା କରିବାକୁ ଚେଷ୍ଟା କରୁଛନ୍ତି ବୋଲି ସେ ଉଲ୍ଲେଖ କରିଛନ୍ତି ।
