ନୂଆଦିଲ୍ଲୀ: ସାରା ଦେଶକୁ ଗ୍ରାସ କରିଥିବା ମହାମାରୀ କେରୋନା ମୁକାବିଲା ଲାଗି ଭାରତ ସରକାର ହୋଇଛନ୍ତି ତତ୍ପର । ଏହି ଭୂତାଣୁ ବ୍ୟାପିବାରୁ ନିୟନ୍ତ୍ରଣ କରିବା ପାଇଁ ପ୍ରଥମେ ଟ୍ରେନ ଓ ଅନ୍ତର୍ଜାତୀୟ ବିମାନ ଚଳାଚଳ ଉପରେ ରୋକ ଲଗାାଯାଇଥିଲା ।
ଆଉ ବର୍ତ୍ତମାନ ଆଉ ଏକ ପଦକ୍ଷେପ ଗ୍ରହଣ କରିଛନ୍ତି ସରକାର । ବୁଧବାର ଠାରୁ ଦେଶ ଭିତରେ ଯାତ୍ରା କରୁଥିବା ସମସ୍ତ ଘରୋଇ ବିମାନ ଉଡାଣକୁ ମଧ୍ୟ ବନ୍ଦ କରାଯିବ । ଏନେଇ ସୂଚନା ଦେଇଛି ବିମାନ ଚଳାଚଳ ବେସାମରିକ ମନ୍ତ୍ରଣାଳୟ ।
ମଙ୍ଗଳବାର ରାତ୍ର 11.59 ସମୟରୁ ହିଁ ଏହା ଲାଗୁ କରାଯିବ । କେବଳ କାର୍ଗୋ ବିମାନ ଛଡା ଅନ୍ୟ ବିମାନକୁ ଉଡାଣ ପାଇଁ ଅନୁମତି ଦିଆଯିବ ନାହିଁ । ଏହାପୂର୍ବରୁ ରବିବାର ଠାରୁ ଭାରତ ସରକାର ଅନ୍ତର୍ଜାତୀୟ ବିମାନ ଉଡ଼ାଣରେ ରୋକ ଲଗାଇଥିଲେ ।
