ନୂଆଦିଲ୍ଲୀ: କଥାରେ ଅଛି, ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ । ଅର୍ଥାତ୍ ଭଗବାନଙ୍କ କୃପା ଥିଲେ ମୃତ୍ୟୁ କେବେ ପାଖ ବି ମାଡି ପାରିବନି । ଆଉ ଭାଇରାଲ ହେଉଥିବା ଏହି ଭିଡିଓଟିକୁ ଦେଖିଲେ ଆପଣ ଅନୁଭବ କରିପାରିବେ କାରରେ ଛୋଟ ପିଲାଙ୍କ ସହ ବାହାରକୁ ଯିବା ବେଳେ ଡୋର ଲକ କରିବା କେତେ ଜରୁରୀ ।
ବର୍ତ୍ତମାନ ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେଉଛି ଯେଉଁଠି ଏକ ଚଳନ୍ତା କାରରୁ ପିଲାଟି ଖସି ପଡୁଛି। ହେଲେ ଭାଗ୍ୟବଶତଃ ପିଲାଟି ଦୁର୍ଘଟଣାରୁ ବର୍ତ୍ତିବା ସ ତାର ଜୀବନ ବଞ୍ଚି ଯାଉଛି। ଏହି ସମୟରେ ଏକ ବସ
ମଧ୍ୟ ସାମ୍ନା ଆଡୁ ଦ୍ରୁତ ବେଗରେ ଆସୁଥିଲେ ବି ଦୁର୍ଘଟଣାକୁ ଦେଖି ସେଠାରେ ଅଟକି ଯାଇଥିଲା।
ଭାଇରାଲ ହେଉଥିବା ଏହି 31 ସେକେଣ୍ଡର ଭିଡିଓରେ କାରଟି ଟର୍ଣ୍ଣିଂ ନେଉଛି । ଏହି ସମୟରେ ପିଲାଟି ହଠାତ୍ କାରର ଡୋର ଖୋଲିବା ସହ ଆଖିପିଛୁଳାକେ ଗାଡି ଭିତରୁ ଖସି ରାସ୍ତାରେ ପଡୁଛି। ସମାନ ସମୟରେ ପଛ ପଟୁ ଏକ କାର୍ ଓ ସାମ୍ନା ଆଡୁ ଏକ ବସ ଆସୁଥିଲା ।
ଭାଇରାଲ ହୋଇଥିବା ଭିଡିଓଟି କେରଳର ହୋଇଥିବା ବେଳେ ରାସ୍ତାକଡରେ ଥିବା ସିସିଟିଭିରେ ସମସ୍ତ ଦୃଶ୍ୟ କଏଦ ହୋଇଛି ।
