ଚଣ୍ଡୀଗଡ଼: ବିଜେପି ନେତା କୋରୋନା ଆକ୍ରାନ୍ତ । ହରିୟାଣା କୁରୁକ୍ଷେତ୍ର ଜିଲ୍ଲାର ଥାନେସର ବିଧାନସଭା ଆସନରୁ ବିଧାୟକ ଭାବେ ନିର୍ବାଚିତ ବିଜେପି ନେତା ସୁଭାଷ ସୁଧା କୋରୋନା ଆକ୍ରାନ୍ତ ହୋଇଛନ୍ତି ।
ସୂଚନା ଅନୁଯାୟୀ, କୋରୋନା ଲକ୍ଷଣ ପରିଲଖିତ ହେବା ପରେ ବିଜେପି ବିଧାୟକଙ୍କୁ ମେନ୍ଦାତା ମେଡିକାଲରେ ଭର୍ତ୍ତି କରାଯାଇଥିଲା । ଗତ ଶନିବାର ତାଙ୍କ ରକ୍ତ ନମୂନା କୋରୋନା ପରୀକ୍ଷା ପାଇଁ ପଠାଯାଇଥିଲା । ତେବେ ଏହା ପୂର୍ବରୁ ବିଜେପି ବିଧାୟକ ଗତ 22 ଜୁନରେ ଏକ ଘରୋଇ ମେଡିକାଲରେ ଭର୍ତ୍ତି ହୋଇଥିଲେ । ବର୍ତ୍ତମାନ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି ।
ଗତ କିଛି ଦିନ ପୂର୍ବରୁ ବିଜେପି ବିଧାୟକ ସୁଭାଷ ସୁଧାଙ୍କର ମେନ୍ଦାତା ମେଡିକାଲରେ ଏକ ଅପରେସନ ହୋଇଥିଲା । ଅପରେସନ ପରେ ସେ ବହୁ ଦିନ ଧରି ଶଯ୍ୟାଶାୟୀ ଥିଲେ ।
ପ୍ରକାଶ ଥାଉକି, ବର୍ତ୍ତମାନ ହରିୟାଣାରେ 13829 କୋରୋନା ଆକ୍ରାନ୍ତ ଥିବାବେଳେ 5 ଜଣ ଆକ୍ରାନ୍ତଙ୍କର କୋରୋନାରେ ମୃତ୍ୟୁ ଘଟିଛି ।
