ନୂଆଦିଲ୍ଲୀ: ପ୍ରକାଶ ପାଇଲା ଦଶମ ଶ୍ରେଣୀ ପରୀକ୍ଷା ଫଳ । କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରୀୱାଲ ନିଶଙ୍କ ଟୁଇଟ କରି ଏହି ସୂଚନା ଦେଇଛନ୍ତି । ସମସ୍ତ ଛାତ୍ରଛାତ୍ରୀ cbseresults.nic.in , cbse.nic.in, results.nic.in ୱେଟସାଇଟରେ ନିଜର ରେଜଲ୍ଟ ଦେଖିପାରିବେ । ଡିଜି ଲକର ମୋବାଇଲ ଆପ ଜରିଆରେ ମଧ୍ୟ ରେଜଲ୍ଟ ଦେଖିପାରିବେ ।
ଚଳିତ ବର୍ଷ 18 ଲକ୍ଷରୁ ଊର୍ଦ୍ଧ୍ବ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏଥର ପାସ ହାର 91.46 ପ୍ରତିଶତ ରହିଛି । ପୁଅଙ୍କ ଅପେକ୍ଷା ଝିଅଙ୍କ ରେଜଲ୍ଟ ଭଲ ରହିଛି । 93.31 ପ୍ରତିଶତ ଛାତ୍ରୀ ରଖିଥିବାବେଳେ ଛାତ୍ରଙ୍କ ପାସ ହାର 90.14 ପ୍ରତିଶତ ରହିଛି । ଏଥର ପରୀକ୍ଷା ଫେବୃୟାରୀ 15ରୁ ମାର୍ଚ୍ଚ 20 ଯାଏ ଅନୁଷ୍ଠିତ ହୋଇଥିଲା । କୋରୋନା ପାଇଁ ପରୀକ୍ଷାକୁ ଅଧାରୁ ବାତିଲ କରାଯାଇଥିଲା । ତେଣୁ 6 ଟି ବିଷୟରେ ପରୀକ୍ଷା ହୋଇପାରିନଥିଲେ । ଫଳରେ ଏଥ ରେଜଲ୍ଟ ଆଭରେଜ ମାର୍କିଂରେ ପ୍ରଦାନ କରାଯାଇଛି ।
ଅଧିକ ଫଳାଫଳ ଚାହୁଁଥିବା ଦ୍ୱାଦଶ ଶ୍ରେଣୀର ଛାତ୍ରମାନଙ୍କ ପାଇଁ ଏହା ଏକ ଇଚ୍ଛାଧୀନ ପରୀକ୍ଷା କରିବ ବୋଲି ସିବିଏସ୍ଇ କହିଛି। ପରିସ୍ଥିତି ଅନୁକୂଳ ହେଲେ ଇଚ୍ଛାଧୀନ ପରୀକ୍ଷା କରାଯିବ। ମଙ୍ଗଳବାର ରେଜଲ୍ଟ ବାହାରିବା ନେଇ କେନ୍ଦ୍ର ମନ୍ତ୍ରୀ ଟ୍ବିଟ କରି ଜଣାଇଥିଲେ । ଏଥିସହ ଛାତ୍ରଛାତ୍ରୀଙ୍କ ଭବିଷ୍ୟତ ପାଇଁ ମଧ୍ୟ ଶୁଭେଚ୍ଛା ଜଣାଇଥିଲେ । ଜୁଲାଇ 13ରେ ସିବିଏଇ ଦ୍ବାଦଶ ଶ୍ରେଣୀର ପରୀକ୍ଷା ଫଳ ବାହାରିଥିଲା ।
