ଲକ୍ଷ୍ନୌ: ହାଥରସ ଗଣଦୁଷ୍କର୍ମ ମାମଲାର ତଦନ୍ତ ଦାୟିତ୍ବ ଗ୍ରହଣ କଲା ସିବିଆଇ । ଉତ୍ତର ପ୍ରଦେଶ ହାଥରସ ଗଣଦୁଷ୍କର୍ମ ଘଟଣା ସାରା ଦେଶରେ ଆଲୋଡନ ସୃଷ୍ଟି କରିଥିଲା । ଏହାକୁ ନେଇ ବ୍ୟାପକ ରାଜନୀତି ସୃଷ୍ଟି ହୋଇଛି ।
ଯୋଗୀ ସରକାର ପ୍ରଥମେ ତିନି ଜଣିଆ ଏସଆଟି ଟିମ ଗଠନ କରି ତଦନ୍ତ ଆରମ୍ଭ କରିଥିଲେ । ପରେ ଘଟଣାର ବ୍ୟାପକତାକୁ ଦେଖି ଉତ୍ତରପ୍ରଦେଶ ସରକାର ଶେଷରେ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇ ତଦନ୍ତ ପାଇଁ କେନ୍ଦ୍ରକୁ ସୁପାରିଶ କରିଥିଲେ । ଏହି ଘଟଣାରେ ବର୍ତ୍ତମାନ ପର୍ଯ୍ୟନ୍ତ 4 ଜଣଙ୍କୁ ଗିରଫ କରି ପୋଲିସ ତଦନ୍ତ ଚଳାଇଛି ।
ଗତ ସେପ୍ଟେମ୍ବର 14ରେ ଉତ୍ତରପ୍ରଦେଶ ହାଥରସ ଗଣଦୁଷ୍କର୍ମ ଘଟଣା ନେଇ ଯୋଗୀ ସରକାରଙ୍କୁ ଟାର୍ଗେଟ କରିଥିଲା ସାରା ଦେଶ । ପୀଡିତାଙ୍କ ପରିବାରକୁ ଭେଟିବାକୁ ନେଇ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ସହ ପୋଲିସର ଧସ୍ତାଧସ୍ତି ଘଟଣା ବି ଖବରର ଶିରୋନାମା ପାଲଟିଥିଲା ।
