ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ମାମଲାକୁ ସିବିଆଇ ନିଜ ହାତକୁ ନେବା ପରେ ତ୍ବରାନ୍ବିତ ହୋଇଛି ତଦନ୍ତର ଗତି । ଏହି ଘଟଣାରେ 6 ଜଣଙ୍କ ବିରୋଧରେ ମାମଲା ରୁଜୁ କରିଛି ସିବିଆଇ ।
ବୁଧବାର ସିବିଆଇ ପକ୍ଷରୁ ସୁଶାନ୍ତଙ୍କ ମହିଳା ବନ୍ଧୁ ରିଆ ଚକ୍ରବର୍ତ୍ତୀଙ୍କ ସମେତ 6 ଜଣଙ୍କ ବିରୋଧରେ ମାମଲା ରୁଜୁ କରାଯାଇଛି । ଏମାନଙ୍କ ମଧ୍ୟରେ ଇନ୍ଦ୍ରଜୀତ ଚକ୍ରବର୍ତ୍ତୀ, ସଂଧ୍ୟା ଚକ୍ରବର୍ତ୍ତୀ, ସଭିକ ଚକ୍ରବର୍ତ୍ତୀ, ସାମୁଏଲ ମିରାନ୍ଦା ଓ ଶୃତି ମୋଦିଙ୍କ ନାଁ ସାମିଲ ରହିଛି ।
ଅଭିନେତା ସୁଶାନ୍ତ ସିଂହ ରାଜପୁତଙ୍କ ମାମଲାରେ ସିବିଆଇ ଏବେ ତତ୍ପରତା ପ୍ରକାଶ କରିବା ସହ ଆକ୍ସନ ନେବା ଆରମ୍ଭ କରିଦେଇଛି । ବିହାର ସରକାରଙ୍କ ସୁପାରିସ କ୍ରମେ କେନ୍ଦ୍ର ସରକାର ବୁଧବାର ହିଁ ଏହି ମାମଲାରେ ସିବିଆଇକୁ ଯାଞ୍ଚ କରିବାକୁ ମଞ୍ଜୁରୀ ପ୍ରଦାନ କରିଥିଲେ । ଅନ୍ୟପକ୍ଷେ ଏହି ଘଟଣାରେ ସିବିଆଇ ବିହାର ପୋଲିସ ସହ ମଧ୍ୟ ସମ୍ପର୍କ କରିଥିବା ଜଣାପଡିଛି ।
