ଖାଇକୁ ଖସିଲା କାର: ଚାଲିଗଲା 5 ଜୀବନ

କାର ଦୁର୍ଘଟଣାରେ ଚାଲିଗଲା 5 ଜୀବନ । କାରଟି କର୍ଣ୍ଣପ୍ରୟାଗରୁ କୁଜାସୁ ଯାଉଥିବା ସମୟରେ ଖାଇକୁ ଖସି ପଡିଥିଲା ।

ଡେରାଡୁନ: କର୍ଣ୍ଣପ୍ରୟାଗ-କୁଜାସୁ ମୋଟର ମାର୍ଗରେ କାର ଦୁର୍ଘଟଣାଗ୍ରସ୍ତ । କାରରେ 5ଜଣ ଯାତ୍ରୀ ଯାତ୍ରା କରୁଥିଲେ । ତେବେ କାରଟି କର୍ଣ୍ଣପ୍ରୟାଗରୁ କୁଜାସୁ ଯାଉଥିବା ସମୟରେ ଖାଇକୁ ଖସି ପଡିଥିଲା ।

ସୂଚନାମୁତାବକ, ଯାତ୍ରୀମାନେ ନିଜ ଘରକୁ ଫେରିବାରେ ବିଳମ୍ବ ହେବାରୁ ସେହି ଗାଁର ଗ୍ରାମବାସୀମାନେ ସେମାନଙ୍କୁ ଖୋଜି ଥିଲେ । ତେବେ ପ୍ରାୟ ରାତି 8ଟା ସମୟରେ ଗ୍ରାମବାସୀମାନେ କାର୍‌ଟି ଦୁର୍ଘଟଣା ଗ୍ରସ୍ତ ହୋଇଥିବାର ସୂଚାନା ପାଇଥିଲେ ।

ଏହାପରେ ଗ୍ରାମବାସୀମାନେ ପୋଖରୀ ଥାନର ପୋଲସିଙ୍କୁ ସୂଚନା ଦେଇଥିଲେ । ପୋଲିସ ଉଦ୍ଧାର କାର୍ଯ୍ୟ ଆରମ୍ଭ କରିବା ବେଳକୁ ସମସ୍ତ ଯାତ୍ରୀଙ୍କ ମୃତ୍ୟୁ ହୋଇ ସାରିଥିଲା ।