ନୂଆଦିଲ୍ଲୀ: ଥମୁନି ସିଏଏ ଓ ଏନଆରସି ବିରୋଧରେ ଆନ୍ଦୋଳନ ଓ ସ୍ବରୋତ୍ତଳନ । ଏହା ଦିନକୁ ଦିନ ବୃହତ ଆକାରରେ ବ୍ୟାପିବାରେ ଲାଗିଛି । ଯାହାକୁ ବିରୋଧ କରିବା ସହ ଏ ସମ୍ବନ୍ଧରେ ନାଗରିକ ମାନଙ୍କୁ ଜାଗ୍ରତ କରାଇବା ପାଇଁ ରାଜଧାନୀ ସ୍ଥିତ ଜନ୍ତର ମନ୍ତରରେ କିଛି ଛାତ୍ର ବିକ୍ଷୋଭ ପ୍ରଦର୍ଶନ କରିବା ସହ ଦେଶ ଭକ୍ତି ନାରା ଦେଇ ଏହି ଆଇନକୁ ଫେରାଇ ନେବାକୁ ଦାବି କରିଛନ୍ତି ।
ଆନ୍ଦୋଳନରତ ଛାତ୍ର ଜୁବେର ଅହମଦ କହିଛନ୍ତି ଯେ, ପ୍ରଦର୍ଶନରେ ଆମେ ସମସ୍ତ ହିନ୍ଦୁସ୍ତାନୀଙ୍କୁ କହିବାକୁ ଚାହୁଁଛୁ ଯେ, ଘରୁ ବାହାରକୁ ବାହାରନ୍ତୁ କାହିଁକି ନା ଏ କୌଣସି ଧାର୍ମିକ ଲଢେଇ ନୁହଁ । ଏହା ସାମ୍ବିଧାନିକ ଲଢେଇ ଅଟେ ଆଉ ଏହାକୁ ଆମକୁ ରକ୍ଷା କରିବାକୁ ଆମକୁ ଏକାଠି ଲଢିବାକୁ ହେବ ।
ଏହି ସଂଶୋଧନ ବିରୋଧ ପ୍ରଦର୍ଶନରେ କିଛି ଚିତ୍ରକର ନିଜ ଚିତ୍ର ମାଧ୍ୟମରେ ଏହାକୁ ବିରୋଧ କରିଛନ୍ତି । ଏହାସହ କିଛି ଛାତ୍ରମାନେ ଦେଶ ଭକ୍ତି ନାରା ଦେଇ ଆଇନ ବିରୁଦ୍ଧରେ ନାରାବାଜି କରିଥିଲେ । ଏକ ନାଟକ ଜରିଆରେ ଛାତ୍ରମାନେ କେନ୍ଦ୍ର ସରକାରଙ୍କୁ କଟାକ୍ଷ କରିଥିଲେ । ଆଉ କିଛି ସାୟର ମାନେ ତାଙ୍କ ସାୟରି ମାଧ୍ୟମରେ ଏହି ଆଇନକୁ ଖୁବ ଶୀଘ୍ର ଫେରାଇ ନେବାକୁ ଅପିଲ କରିଛନ୍ତି ।
