ରାଞ୍ଚି: ନାଗରିକତା ସଂଶୋଧନ ଆଇନକୁ ନେଇ ଦେଶର ବିଭିନ୍ନ ସ୍ଥାନରେ ହିଂସାତ୍ମକ ପ୍ରଦର୍ଶନ କରାଯାଇଥିଲା । ଝାଡଖଣ୍ଡର ୱାସେପୁର ଅଞ୍ଚଳରେ ସିଏଏକୁ ବିରୋଧୀ ବିକ୍ଷୋଭରେ 3000 ଲୋକେ ଯୋଗ ଦେଇଥିଲେ । ସେମାନଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରାଯାଇଥିଲା । ତେବେ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ସିଏଏ ବିକ୍ଷୋଭକାରୀଙ୍କ ଉପରେ ଲାଗୁ କରାଯାଇଥିବା ଦେଶଦ୍ରୋହ ମାମଲା ପ୍ରତ୍ୟାହାର ପାଇଁ ଘୋଷଣା କରିଛନ୍ତି ।
ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି, ଲୋକଙ୍କ ମଧ୍ୟରେ ଭୟ ସୃଷ୍ଟି କିମ୍ବା ଚାପ ପକାଇବା ପାଇଁ ଆଇନ ହୋଇନାହିଁ ବରଂ ସାଧାରଣ ଜନତାଙ୍କୁ ସୁରକ୍ଷିତ ରଖିବା ପାଇଁ ତିଆରି କରାଯାଇଛି । ମୋ ସରକାର ସାଧରଣ ଲୋକଙ୍କ ସରକାର ହେବା ପାଇଁ କାର୍ଯ୍ୟ କରୁଛି । ରାଜ୍ୟ ସରକାର 3000 ଲୋକଙ୍କ ଉପରେ ଲଗାଯାଇଥିବା ଦେଶଦ୍ରୋହ ମାମଲା ପ୍ରତ୍ୟାହାର ପାଇଁ ଘୋଷଣା କରିଛନ୍ତି ।
