ଚଣ୍ଡିଗଡ: ଏନଡିଏ ମେଣ୍ଟରୁ ଓହରିବା ପରେ ଶିରୋମଣି ଅକାଳି ଦଳକୁ ଟାର୍ଗେଟ କଲେ ପଞ୍ଜାବ ପ୍ରଦେଶ କଂଗ୍ରେସ କମିଟି ସଭାପତି ସୁନିଲ ଜାଖଡ । ବିଜେପି ସେମାନଙ୍କ ପଦକ୍ଷେପ ବିଷୟରେ ପୂର୍ବାନୁମାନ କରିଥିଲା । କୃଷି ବିଲକୁ ପାଥେୟ କରି ଅକାଳି ଦଳ ମେଣ୍ଟରୁ ଓହରିଛି । ଏହି ବିଲକୁ କେବଳ କୃଷକ ମାନେ ହିଁ ବିରୋଧ କରୁଛନ୍ତି ବୋଲି ସେ କହିଛନ୍ତି ।
ନୂତନ କୃଷି ବିଲକୁ ନେଇ ଶିରୋମଣି ଅକାଳି ଦଳ ଦୀର୍ଘଦିନର ମେଣ୍ଟ ଏନଡିଏ ସହିତ ସମ୍ପର୍କ ଛିନ୍ନ କରିଛି । ଏ ନେଇ ଶିରୋମଣି ଅକାଳି ଦଳର ବୈଠକଲେ ନିଷ୍ପତ୍ତି ନିଆଯାଇଥିଲା । ଅକାଳି ଦଳ ନିଜ ପୁରଣା ବନ୍ଧୁ ତଥା ବିଜେପି ସହିତ ଦୀର୍ଘ 23 ବର୍ଷର ସମ୍ପର୍କକୁ ଛିନ୍ନ କରିଛି । ଏହାକୁ ନେଇ ପଞ୍ଜାବ ପ୍ରଦେଶ କଂଗ୍ରେସ କମିଟି ମୁଖ୍ୟ ସୁନିଲ ଜାଖଡ ଅକାଳି ଦଳକୁ ସମାଲୋଚନା କରି କହିଛନ୍ତି ଯେ ଅକାଳି ଦଳ କୃଷକଙ୍କୁ ଭୟ କରି ଏହି ନିଷ୍ପତ୍ତି ନେଇଛି । ଅନ୍ୟ ପକ୍ଷରେ ସେମାନେ କୃଷି ବିଲକୁ ନେଇ ପ୍ରଧାନମନ୍ତ୍ରୀଙ୍କୁ ବିରୋଧ କରିବାକୁ ଭୟ କରିଛନ୍ତି ।
ଆହୁରି ମଧ୍ୟ କହିଛନ୍ତି ଅକାଳି ଦଳ ବିଜେପି ସହିତ ସମ୍ପର୍କ ଛିନ୍ନ କରିବା ପାଇଁ ଚାହୁଁ ନଥିଲା କିନ୍ତୁ ସମାନ୍ତରଳ ଭାବରେ ମେଣ୍ଟରେ ରହିବାକୁ ଚାହୁଁଥିଲା । କିନ୍ତୁ କେନ୍ଦ୍ର ସରକାରରୁ ନିଜର କ୍ୟାବିନେଟର ମନ୍ତ୍ରୀ ଇସ୍ତଫା ଦେଇଥିବା ଯୋଗୁଁ ଓହରିଲେ ବୋଲି କହିଛନ୍ତି । ବାଦଲ କେବେବି ଏହାକୁ କୃଷକ ବିରୋଧ ବିଲ ବୋଲି କହିନାହାନ୍ତି କେବଳ କୃଷକ ମାନେ ହିଁ ଏହି ବିଲକୁ କୃଷି ବିରୋଧୀ ବୋଲି କହିଛନ୍ତି । ସୂଚନା ଥାଉକି ବିଭିନ୍ନ ଦେଶର ପ୍ରମୁଖ ବିରୋଧୀ ଦଳ ଗୁଡିକ ନୂତନ କୃଷି ବିଲକୁ ବିରୋଧ କରିଛନ୍ତି । ସାରା ଦେଶରେ କୃଷକମାନେ ଏହି ବିଲକୁ ନେଇ କେତେକ ସ୍ଥାନରେ ବ୍ୟାପକ ଆନ୍ଦୋଳନ ଚଳାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
