ଜୟପୁର: ସାମାଜିକ ସେବା ତଥା ଫିଟନେସ ମନ୍ତ୍ରକୁ ନେଇ ସବୁବେଳେ ଚର୍ଚ୍ଚାରେ ରହିଆସୁଛନ୍ତି ରାଜସ୍ଥାନର ଟୋଙ୍କ-ସୱାଇ ମାଧୋପୁରର ବିଜେପି ସାଂସଦ ସୁଖବୀର ସିଂ ଜୈନାପୁରିୟା । ଅନ୍ତର୍ଜାତୀୟ ଯୋଗ ଦିବସରେ ଅଗ୍ନି ସାଧନା, ସ୍ନାନ, ଜିମରେ ବ୍ୟାୟାମ, ଶଙ୍ଖ ବଜାଇବା ସହିତ ଅନେକ ଯୋଗ କ୍ରିୟା କରିଛନ୍ତି । ଏହା ସହିତ ଦେଶବାସୀଙ୍କୁ ବାର୍ତ୍ତା ଦେଇ କହିଛନ୍ତି ଯେ, 'ଯିଏ ଫିଟ ସେ ହେଉଛି ହିଟ'।
ପ୍ରବଳ ଉତ୍ତାପରେ, ନିଜ ଚାରିପାଖରେ ନିଆଁ ଜାଳି ସାଧୁ ଏବଂ ସାଧୁମାନଙ୍କ ଆଧ୍ୟାତ୍ମିକ ଅଭ୍ୟାସର ଏକ ଅଂଶ ହୋଇପାରେ । କିନ୍ତୁ ଟୋଙ୍କ ସୱାଇ ମାଧୋପୁର ସାଂସଦ ଯୋଗ ଦିବସରେ ମଧ୍ୟ ସମାନ କାର୍ଯ୍ୟ କରିଛନ୍ତି । ଜୀବନରେ ସୁସ୍ଥ ରହିବାକୁ ହେଲେ ଫିଟ ରହିବା ନିହାତି ଆବଶ୍ୟକ ବୋଲି ବାର୍ତ୍ତା ଦେଇଛନ୍ତି । ଏହା ସହ ସୁଖବୀର ସିଂ ନିଜେ ଯୋଗ, ଜିମ ଏବଂ ଧ୍ୟାନରେ ପ୍ରତିଦିନ 3 ରୁ 4 ଘଣ୍ଟା ବିତାଇଥାନ୍ତି । ଯାହାଫଳେ ସେ ଗତ 4 ମାସ ମଧ୍ୟରେ 25 କିଗ୍ରା ଓଜନ ହ୍ରାସ କରିଥିବା ସୂଚନା ରହିଛି ।
ସୁଖବୀର ସିଂଙ୍କ ଦିନ ନିଜ ଘରେ ଜିମରୁ ଆରମ୍ଭ ହୁଏ । ସେ ସାଇକେଲ ଚଳାଇବା ଠାରୁ ଯୋଗ ଅଭ୍ୟାସ ଏବଂ ବ୍ୟାୟାମରେ ସମୟ ଦେଇଥାନ୍ତି । ଯୁବକଙ୍କୁ ଆହ୍ବାନ ଦେବା ସହ ଦେଶର ଆଗାମୀ ପିଢି ସହିତ ଆମକୁ ଅତି କମରେ ବ୍ୟାୟାମ ପାଇଁ 1 ରୁ 2 ଘଣ୍ଟା ସମୟ ବାହାର କରିବା ଉଚିତ । ଯାହା ଦ୍ବାରା ଆମେ ଓ ଆମ ପରିବାର ସୁସ୍ଥ ରହିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
