ବେଙ୍ଗାଲୁରୁ: ଦାକ୍ଷିଣାତ୍ୟ ରାଜ୍ୟ କର୍ଣ୍ଣାଟକର ରାଜନୀତିରେ ଘଡିକେ ଘୋଡା ଛୁଟୁଛି । ବିଦ୍ରୋହୀ ବିଧାୟକଙ୍କୁ ମନାଇବାକୁ କଂଗ୍ରେସ ହେଭିୱେଟଙ୍କ ଶତଚେଷ୍ଟା ଜାରି ରହିଛି । ଏହାସହ ବାରମ୍ବାର ବିଦ୍ରୋହୀ ବିଧାୟକଙ୍କ ସହ ସାକ୍ଷାତ ଏବଂ ଆଲୋଚନା ମଧ୍ୟ ଜାରି ରହିଛି ।
ବର୍ତ୍ତମାନ ଭାଙ୍ଗିବା ପରିସ୍ଥିତିରେ ରହିଛି ଏଠାକାର ସରକାର। ସେପଟେ କ୍ରିକେଟ ଖେଳରେ ମାତିଛନ୍ତି ବିରୋଧୀ। କୌଣସି ଏକ ରିସୋର୍ଟରେ କର୍ଣ୍ଣାଟକ ବିଜେପି ବିଧାୟକଙ୍କ କ୍ରିକେଟ ଖେଳୁଥିବାର ଦେଖିବାକୁ ମିଳୁଛି । ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି ।
ଭିଡିଓ ସୌଜନ୍ୟ: ANI
ସୋମବାର କର୍ଣ୍ଣାଟକ ବିଧାନସଭାରେ ନିଜର ବହୁମତ ସାବ୍ୟସ୍ତ କରିପାରନ୍ତି କଂଗ୍ରେସ-ଜେଡିଏସର ମେଣ୍ଟ ସରକାର। ଅନ୍ୟପଟେ ମୁଖ୍ୟମନ୍ତ୍ରୀ କୁମାରସ୍ବାମୀଙ୍କୁ ସଂଖ୍ୟା ଗରିଷ୍ଠତାର ପ୍ରମାଣ ଦେବା ପାଇଁ ଦାବି କରିଛି ବିଜେପି।
