‘ବିଜେପି ସହ ଯୋଗାଯୋଗରେ ଅଛନ୍ତି ଟିଏମସି ନେତା’

ପଶ୍ଚିମବଙ୍ଗରେ ବିଜେପିର ବିପୁଳ ବିଜୟ ପରେ ଏବେ ଜୋର ଧରିଛି ସରକାର ଗଢିବା ନେଇ ଚର୍ଚ୍ଚା । ମଧ୍ଯପ୍ରଦେଶ ଭଳି ପଶ୍ଚିମବଙ୍ଗରେ ଟିଏମସିର କର୍ମୀମାନେ ବିଜେପି ସହ ସମ୍ପର୍କରେ ଥିବା କହିଛନ୍ତି ମୁକୁଲ ରାୟ ।

କୋଲକତା: କର୍ଣ୍ଣାଟକ ପରେ ମଧ୍ୟପ୍ରଦେଶ ଆଉ ଏବେ ପଶ୍ଚିମବଙ୍ଗ । ଲୋକସଭା ନିର୍ବାଚନରେ ବିଜେପି ବାଜିମାତ୍ କରିବା ପରେ ଟିଏମସିର ବହୁ ନେତା ଏବେ ଯୋଗାଯୋଗରେ ରହିଥିବା କହିଛନ୍ତି ମୁକୁଲ ରାୟ ।

ମୁକୁଲ ରାୟ କହିଛନ୍ତି 'ଅନେକ ଟିଏମସି ନେତା ଆମ ସହ କଥା ହୋଇଛନ୍ତି । ଖୁବ ଶୀଘ୍ର କିଛି ନା କିଛି ଘଟିବାକୁ ଯାଉଛି ।'

ନିର୍ବାଚନର ଫଳ ବାହାରିବା ପରେ ଦଳର ପରାଜୟକୁ ଦୃଷ୍ଟିରେ ରଖି ମମତା ବାନାର୍ଜୀ ଡକାଇଛନ୍ତି ଗରୁତ୍ବପୂର୍ଣ୍ଣ ବୈଠକ । ଶୁକ୍ରବାର ଅପରାହ୍ଣ ସାଢେ 3ଟାରେ ଦଳର ନେତାମାନଙ୍କ ସହ କରିବେ ଆଲୋଚନା । ଏହି ବୈଠକରେ ଦଳର ପରାଜୟ ସମ୍ବନ୍ଧରେ ସମୀକ୍ଷା କରିବେ ମମତା ।