ନୂଆଦିଲ୍ଲୀ: କେନ୍ଦ୍ର ସରକାରଙ୍କ କର୍ପୋରେଟ ଟିକସ ହ୍ରାସ ନିଷ୍ପତ୍ତିକୁ ବିଜେଡି ସାଂସଦ ଭର୍ତ୍ତୃହରି ମହତାବଙ୍କ ପ୍ରଶଂସା। ଅନ୍ୟ ଦେଶ ତୁଳନାରେ ଭାରତର କର୍ପୋରେଟ ଟିକସ ଆଶାତୀତ ଭଲ ରହିଛି। କର (ସଂଶୋଧନ) ବିଧେୟକ ଆଲୋଚନା ସମୟରେ ଏହା କହିଛନ୍ତି ସେ ।
ନିକଟରେ ସରକାର କର୍ପୋରେଟ ଟ୍ୟାକ୍ସକୁ 30 ପ୍ରତିଶତରୁ 22 ପ୍ରତିଶତକୁ କମାଇଛନ୍ତି। ସରଜାର୍ଜ ଏବଂ ସେସ ସହିତ କମ୍ପାନୀକୁ 25.17 ପ୍ରତିଶତ ଟିକସ ଦେବାକୁ ପଡିବ। ଫଳରେ ନିବେଶ ବଢିବ।
କର୍ପୋରେଟ ଟିକସ ହ୍ରାସ ନିଷ୍ପତ୍ତିକୁ ଭର୍ତ୍ତୃହରିଙ୍କ ପ୍ରଶଂସା
ଏହି ଆଲୋଚନା ସମୟରେ ସେ ପ୍ରଶ୍ନ ମଧ୍ୟ ଉଠାଇଥିଲେ ଯେ, ‘ଏକ ମୁକ୍ତ ଅର୍ଥବ୍ୟବସ୍ଥାରେ ଉଚ୍ଚ କର୍ପୋରେଟ ଟିକସ ବୋଝ କିଏ ମୁଣ୍ଡାଏ? ପୁଞ୍ଜି ନା ଶ୍ରମିକ।’ ଏହାସହ ଟିକସ ଅଧିକ ବଢିଲେ ଏହା ଶ୍ରମିକଙ୍କ ଉପରେ ଅଧିକ ଚାପ ପକାଇଥାଏ ବୋଲି ସେ କହିଛନ୍ତି।
ଏହାସହ ଏହି ଆଲୋଚନାରେ ସେ ଭାଗ ନେଇ ଅନେକ ପ୍ରଶ୍ନ ସରକାରଙ୍କୁ ପଚାରିବା ସହ କିଛି ସଂଶୋଧନ ପ୍ରସ୍ତାବ ଦେଇଛନ୍ତି।
