ୱାଶିଂଟନ: ଦୁନିଆରେ ବନ୍ଧୁତ୍ବଠାରୁ ବଡ ସମ୍ପର୍କ ଆଉ କିଛି ନାହିଁ । ବନ୍ଧୁତା ଏକ ଏପରି ସମ୍ପର୍କ ଯେଉଁଥିରେ କୌଣସି ସୀମା ନଥାଏ । ଗୋଟିଏ ଉତ୍ତମ ବନ୍ଧୁ ଜୀବନକୁ ସାର୍ଥକ କରିଥାଏ । ଯାହାର ଉଦାହରଣ ଦେଇଛନ୍ତି ମାଇକ୍ରୋସପ୍ଟ ସହ ପ୍ରତିଷ୍ଠାତା ବିଲ ଗେଟ୍ସ ।
ଆଜି ବିଲ ଗେଟ୍ସ ଟ୍ବିଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ନିଜ ବନ୍ଧୁ ୱାରେନ ବଫେଟଙ୍କ ପାଖରେ ବସିଥିବା ଆପଣ ଦେଖିପାରିବେ । ଏଥିସହ ସାମ୍ନାରେ ଏକ ଗ୍ଲାସରେ କେକ୍ ମଧ୍ୟ ରଖାଯାଇଥିବା ଦେଖିବେ ।
ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ସାମ୍ନାରେ ଥିବା କେକ୍ ବିଲ ଗେଟ୍ସ ନିଜ ବନ୍ଧୁ ୱାରେନଙ୍କ 90 ତମ ଜନ୍ମ ଦିବସ ଉପଲକ୍ଷେ ନିଜ ହାତରେ ପ୍ରସ୍ତୁତ କରିଛନ୍ତି । ଯାହାର ଭିଡିଓ ସେ ଟ୍ବିଟରେ ସେୟାର ମଧ୍ୟ କରିଛନ୍ତି ।
ଏଥିସହ ବିଲଗେଟ୍ସ ଟ୍ବିଟରରେ ବନ୍ଦୁ ୱାରେନଙ୍କ ପାଇଁ ଏକ ମେସେଜ ମଧ୍ୟ ଲେଖିଛନ୍ତି, ୱାରେନ ବଫେଟଙ୍କ ଠାରୁ ମୁଁ ଶିଖିଥିବା ସମସ୍ତ କଥା ମଧ୍ୟରୁ ପ୍ରକୃତ ବନ୍ଧୁତାର ଅର୍ଥ କଣ ସବୁଠାରୁ ଗୁରୁତ୍ବପୂର୍ଣ୍ଣ ଅଟେ । ମୋ ଜୀବନରେ ସେ ଜଣେ ଏପରି ବ୍ୟକ୍ତିତ୍ବ ଯାହାଙ୍କୁ ମୁଁ ବହୁତ ପସନ୍ଦ କରେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
