ପାଟଣା: ବିହାର ନିର୍ବାଚନରେ ଘଡିକେ ଘୋଡା ଛୁଟୁଛି । ଶୁକ୍ରବାର ପର୍ଯ୍ୟନ୍ତ ମହାମେଣ୍ଟ ଆରଜେଡି ଓ କଂଗ୍ରେସ ମଧ୍ୟରେ ସିଟ୍ ବୁଝାମଣାକୁ ନେଇ ସହମତି ହେଉନଥିବାବେଳେ ଆଜି ଉଭୟ ଦଳ ଭିତରେ ଭାଗବଣ୍ଟା ଶେଷ ହୋଇଥିବା କୁହାଯାଉଛି । ଯାହା ଆଜି ଅପରାହ୍ନରେ ଉଭୟ ଦଳ ଘୋଷଣା କରିପାରନ୍ତି ବୋଲି ସୂଚନା ମିଳିଛି ।
ଆରଜେଡି ନେତା ତଥା ରାଜ୍ୟସଭା ସାଂସଦ ମନୋଜ ଝା ଲାଲୁ ନିବାସରେ ବୈଠକ କରିବା ପରେ ମହାମେଣ୍ଟ ନେଇ ବୁଝାମଣା ସରିଥିବା କହିଛନ୍ତି । ଏହାସହ ଆଜି ଅପରାହ୍ନ 4ଟାରେ ଏନେଇ ସାମ୍ବାଦିକ ସମ୍ମିଳନୀ ହେବ ବୋଲି ସେ କହିଛନ୍ତି ।
ମହାମେଣ୍ଟରେ ଆସନ ବୁଝାମଣା ଶେଷ
ମହାମେଣ୍ଟରେ ଆସନ ବୁଝାମଣା ଶେଷ ହୋଇଛି । ସୂତ୍ରଅନୁସାରେ, କଂଗ୍ରେସ 60ରୁ 65 ଆସନ ମଧ୍ୟରେ ଲଢିବାକୁ ରାଜି ହୋଇଥିବାବେଳେ ଆରଜେଡି 137ରୁ 140 ଆସନ ମଧ୍ୟରେ ଲଢିବ । ସେହିପରି ଅନ୍ୟ ଛୋଟଦଳ ବିକାଶଶୀଳ ଇସାନ ପାର୍ଟି(ବିଆଇପି) 5ରୁ 6 ଟି ସିଟ୍ରେ ଓ ବାମଦଳଙ୍କୁ 25ଟି ସିଟ୍ ମିଳିପାରେ ।
ସୂଚନାଥାଉକି, ଚଳିତ ବର୍ଷ ବିହାର ବିଧାନସଭା ନିର୍ବାଚନ ତିନି ପର୍ଯ୍ୟାୟରେ ହେବ । ଯାହାର ଫଳାଫଳ ନଭେମ୍ବର 10 ତାରିଖରେ ପ୍ରକାଶ ପାଇବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
