ପାଟନା: ବିହାର ବିଧାନସଭା ନିର୍ବାଚନ ପୂର୍ବରୁ ଆରମ୍ଭ ହୋଇଯାଇଛି ଦଳଡିଆଁ ପର୍ବ । ଏହି ପରିପ୍ରେକ୍ଷୀରେ ଆଜି ବିଏସପି(ବହୁଜନ ସମାଜ ପାର୍ଟି) ରାଜ୍ୟ ସଭାପତି ଭରତ ବିନ୍ଦ ଆରଜେଡି(ରାଷ୍ଟ୍ରୀୟ ଜନତା ଦଳ)ରେ ସାମିଲ ହୋଇଛନ୍ତି ।
ଆରଜେଡି ନେତା ତେଜଶ୍ବୀ ଯାଦବଙ୍କ ଉପସ୍ଥିତିରେ ସେ ଦଳର ପ୍ରାଥମିକ ସଦସ୍ୟ ପଦ ଗ୍ରହଣ କରିଛନ୍ତି । ତେବେ ନିର୍ବାଚନ ପୂର୍ବରୁ ବିଏସପିର ରାଜ୍ୟ ସଭାପତି ଆରଜେଡିରେ ସାମିଲ ହେବା ଦଳ ପାଇଁ କ୍ଷତି ପହଞ୍ଚାଇବ ବୋଲି କୁହାଯାଉଛି ।
ସୂଚନାଥାଉକି, ବିହାର ବିଧାନସଭା ନିର୍ବାଚନ ତିନି ପର୍ଯ୍ୟାୟରେ ହେବ । ପ୍ରଥମେ 71 ଆସନ ପାଇଁ ଅକ୍ଟୋବର 28 ତାରିଖ, ଦ୍ବିତୀୟରେ 94ଟି ଆସନ ପାଇଁ ନଭେମ୍ବର 3 ତାରିଖ ଓ ଶେଷରେ 78ଟି ଆସନ ପାଇଁ ନଭେମ୍ବର 7 ତାରିଖରେ ମତଦାନ କରିବେ ଜନତା । ନଭେମ୍ବର 10 ତାରିଖରେ ଏହାର ଫଳାଫଳ ପ୍ରକାଶ ପାଇବ ।
