ପାଟନା: ବିହାରର ଭାଗଲପୁରରେ ଡଙ୍ଗା ବୁଡି ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଲୋକ ନିଖୋଜ ଅଛନ୍ତି । ଏହି ଦୁର୍ଘଟଣା ନୌଗାଛିଆ କରାରୀ ତିର୍ତ୍ତଙ୍ଗା ଦିୟାରାରେ ଘଟିଛି | ଗଙ୍ଗାର ଉପନଦୀରେ ଡଙ୍ଗାଟି ଓଲଟି ପଡିଛି । ଆଖାପାଖରେ କାମ କରୁଥିବା ଲୋକଙ୍କ କହିବାନୁସାରେ, ଡଙ୍ଗାରେ 100 ଜଣ ଥିବା ବିଶ୍ବାସ କରାଯାଉଛି । ଅନ୍ୟପକ୍ଷେ ଘଟଣାସ୍ଥଳରେ ଏସଡିଆରଏଫ୍ ଦଳ ପହଞ୍ଚିଛି । ବର୍ତ୍ତମାନ ସୁଦ୍ଧା ଜଣଙ୍କ ମୃତଦେହ ମିଳିଥିବା ବେଳେ 15 ଜଣଙ୍କ ଅବସ୍ଥା ଗୁରୁତର ଅଛି ।
ପ୍ରକାଶଥାଉକି, ଗୁରୁବାର ସକାଳେ ତିନଣ୍ଟଙ୍ଗା ଠାରୁ ଦିୟାରା ପାଇଁ ଅନେକ ଲୋକ ଡଙ୍ଗାରେ ବାହାରି ଥିଲେ । ଡଙ୍ଗାରେ ମହିଳାମାନେ ମଧ୍ୟ ସାମିଲ ଥିଲେ । ଡଙ୍ଗାଟି ମହତୋ ବାହିୟାର ଘାଟ ଛାଡିବା ପରେ ସ୍ଥିତି ସ୍ବଭାବିକ ହୋଇଥିଲା ମାତ୍ର ଡଙ୍ଗାଟି ଦର୍ଶନିୟା ଘାଟ ଯିବା ମାତ୍ରେ ପ୍ରବଳ ପବନ ବହିବା କାରଣରୁ ଡଙ୍ଗାଟି ଭାର ସମ୍ଭାଳି ନପାରି ଓଲଟି ପଡିଥିଲା । ସେହି ସ୍ଥାନରେ କାମ କରୁଥିବା କିଛି ଲୋକ ଉଦ୍ଧାର କାର୍ଯ୍ୟ ଆରମ୍ଭ କରିଦେଇଥିଲେ । ବର୍ତ୍ତମାନ ଘଟଣାସ୍ଥଳରେ ସ୍ଥାନୀୟ ପ୍ରଶାସନ ଦ୍ବାରା ଉଦ୍ଧାର କାର୍ଯ୍ୟ ଜାରି ରହିଛି । ଏହାସହ ଏସଡିଆରଏଫ ଦଳକୁ ଘଟଣାସ୍ଥଳକୁ ପଠାଯାଇଛି । ଆହାତଙ୍କ ଚିକିତ୍ସା ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚାଲିଛି ।
