ପାଟନା: ଚଳିତ ବର୍ଷ ବିହାରରେ ବିଧାନସଭା ନିର୍ବାଚନ ହେବାର ଅଛି କିନ୍ତୁ କୋରୋନା ବିସ୍ତାରକୁ ଦୃଷ୍ଟିରେ ରଖି ନିର୍ବାଚନ ପ୍ରଚାର ପ୍ରଣାଳୀ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ପରିପ୍ରେକ୍ଷୀରେ ରାଜ୍ୟର ଉପମୁଖ୍ୟମନ୍ତ୍ରୀ ସୁଶୀଲ କୁମାର ମୋଦି କହିଛନ୍ତି ଯେ ନିର୍ବାଚନରେ ରାଜନୈତିକ ଦଳ ହେଲିକପ୍ଟର ଯୋଗେ ପ୍ରଚାର କରିପାରିବେ କିମ୍ବା ବଡ ରାଲିର ଆୟୋଜନ କରିବା ସମ୍ଭବ ନୁହେଁ।
ସୁଶୀଲ ମୋଦି କହିଛନ୍ତି ଯେ ବିହାର ନିର୍ବାଚନରେ ରାଜନୈତିକ ଦଳମାନେ ଅଧିକରୁ ଅଧିକ ଡିଜିଟାଲ ମାଧ୍ୟମରେ ଭୋଟ୍ ମାଗୁଥିବାର ଦେଖାଯିବ। ସେ କହିଛନ୍ତି ଯେ ମୋବାଇଲ୍ ଓ ଟେଲିଭିଜନ ଭୋଟ୍ ମାଧ୍ୟମରେ ରାଜନୈତିକ ଦଳ ଲୋକଙ୍କୁ ଆକର୍ଷିତ କରୁଥିବା ଦେଖିବାକୁ ମିଳିବ। ସର୍ବାଧିକ ଅଡିଓ ଓ ଭିଡିଓ କନଫରେନ୍ସିଂ ମାଧ୍ୟମରେ ଭୋଟରଙ୍କ ସହ ଯୋଗାଯୋଗ କରିବେ।
ସେ ଆହୁରୀ ମଧ୍ୟ କହିଛନ୍ତି ଯେ ନିର୍ବାଚନରେ ଭୋଟରଙ୍କ ଭୋଟକୁ ମଧ୍ୟ ପରିବର୍ତ୍ତନ କରାଯାଇପାରିବ। ବିହାର ନିର୍ବାଚନରେ ଲୋକମାନେ ଘରେ ଭୋଟ୍ ଦେଇପାରିବେ ବୋଲି ସେ ପ୍ରକାଶ କରିଛନ୍ତି। ପ୍ରକାଶଥାଉକି, ବିହାର ବିଧାନସଭା ନିର୍ବାଚନ ଚଳିତ ବର୍ଷ ଅକ୍ଟୋବର କିମ୍ବା ନଭେମ୍ବରରେ ଅନୁଷ୍ଠିତ ହେବ।
