ନୂଆଦିଲ୍ଲୀ: ଆଜି ଆନ୍ତର୍ଜାତୀୟ ଯୋଗ ଦିବସ । ଏହି ଅବସରରେ ଦିଲ୍ଲୀ ସ୍ଥିତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ)ରେ ଯୋଗ ଭିତ୍ତିକ କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ଯୋଗଗୁରୁ ବାବା ରାମଦେବ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେଠାରେ ସେ ଯୋଗର ଫାଇଦା ସମ୍ପର୍କରେ ସୂଚନା ଦେଇଥିଲେ।
ଯୋଗଗୁରୁ ବାବା ରାମଦେବ ଏହି ଅବସରରେ କହିଥିଲେ ଯେ , ଯୋଗ ଏବଂ କର୍ମ ଯୋଗ ହେଉଛି ଜୀବନର ଯୋଗ। ସେ ଯୁବଗୋଷ୍ଠୀଙ୍କୁ ବାର୍ତ୍ତା ଦେଇ କହିଛନ୍ତି, ଆଜିର ଯୁବପୀଢି ଯାହା ହାସଲ କରିବାକୁ ଚାହୁଁଛନ୍ତି ତାହା ସେମାନଙ୍କ ହାତରେ ଲେଖାଅଛି ।
ଏଥିସହ ସେ କହିଛନ୍ତି, ମୁଁ ଜୀବନରେ ଯୋଗ କରିଛି ଏବଂ କର୍ମ ଯୋଗ କରିଛି। ଏହାଛଡା ସେ କହିଛନ୍ତି ଯେ ଆମ ଜୀବନରେ ଆମେ ଯାହା ହାସଲ କରିଛୁ ଏହା ଆମ ଲକ୍ଷ୍ୟ ନୁହେଁ। ଏହା ଆମ ପାଇଁ କେବଳ ଉତ୍ପାଦ । ଆମ ଜୀବନର ଲକ୍ଷ୍ୟ ଯୋଗ ଏବଂ କର୍ମ । ନିଜକୁ ଆତ୍ମନିର୍ଭର କରିବା ପାଇଁ ଯୋଗ ଅତ୍ୟନ୍ତ ଜରୁରୀ ଅଟେ ବୋଲି ବାବା ରାମଦେବ କହିଛନ୍ତି ।
ଏହି କାର୍ଯ୍ୟକ୍ରମରେ ଜେଏନୟୁର କୁଳପତି ଜଗଦୀଶ କୁମାରଙ୍କ ସମେତ ଅନେକ ପ୍ରଫେସର ଏବଂ ଅନ୍ୟମାନେ ମଧ୍ୟ ଯୋଗ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
