ଗୌହାଟୀ : ସ୍ବାଭାବିକ ହେଉଛି ଆସାମର ବନ୍ୟା ସ୍ଥିତି । ବନ୍ୟା ସ୍ଥିତିରେ ସୁଧାର ଆସୁଥିବା ବେଳେ ଲୋକଙ୍କ ଦୁର୍ଦ୍ଦଶା କମିନି। 17 ଜିଲ୍ଲାର 4 ଲକ୍ଷ ଲୋକେ ପ୍ରଭାବିତ ହୋଇଥିବା ବେଳେ ମୃତ୍ୟୁ ସଂଖ୍ୟା 110କୁ ବୃଦ୍ଧି ପାଇଛି । 32,028 ହେକ୍ଟର ଫସଲ ନଷ୍ଟ ହୋଇଛି । ଏନେଇ ରାଜ୍ୟ ବିପର୍ଯ୍ୟୟ ପରିଚାଳନା ମୁଖ୍ୟଙ୍କ ପକ୍ଷରୁ ସୂଚନା ମିଳିଛି । ରାଜ୍ୟର 7 ଟି ଜିଲ୍ଲା ଗୋଲପାରା 172,866, ମୋରିଗାଓଁ 48,198, ବଙ୍ଗାଇଗାଓଁ 49,815, ଦକ୍ଷିଣ ସଲମାରା 23,104, ବକସା 16,000, ଗୋଲାଘାଟ 14,700 ଓ ବାରପେଟା 14,427ର ଅଧିକ କ୍ଷତିଗ୍ରସ୍ତ ହୋଇଛି ।
ପାଞ୍ଚଟି ଜିଲ୍ଲାରେ ବିଭିନ୍ନ ସ୍ଥାନରେ ବ୍ରହ୍ମପୁତ୍ର ନଦୀ ପ୍ରବାହିତ ହେଉଛି । ସୋନିତପୁରରେ ଜିଆବରେଲୀ ଓ ବ୍ରହ୍ମପୁତ୍ର ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି । କାଜିରଙ୍ଗା ଜାତୀୟ ଉଦ୍ୟାନରେ 150 ବନ୍ୟଜନ୍ତୁଙ୍କ ମୃତ୍ୟୁ ହୋଇଥିବା ବେଳେ 172 ଜନ୍ତୁଙ୍କୁ ଉଦ୍ଧାର କରାଯାଇଛି । ଏ-ନେଇ ବନ ବିଭାଗ ପକ୍ଷରୁ ସୂଚନା ମିଳିଛି ।
ସୌଜନ୍ୟ @ IANS
