ନୂଆଦିଲ୍ଲୀ: ମା’ଙ୍କ ଆଶୀର୍ବାଦ ନେଇ ସପରିବାର ଭୋଟ ଦେଇଛନ୍ତି ଅରବିନ୍ଦ କେଜ୍ରିୱାଲ । ତୃତୀୟଥର ପାଇଁ ଦିଲ୍ଲୀରେ କ୍ଷମତା ଦଖଲ କରିବାକୁ ଦେଇଛନ୍ତି ଭୋଟ । କିନ୍ତୁ ଚଳିତ ବର୍ଷ ପ୍ରଥମ ଥର ପାଇଁ ଭୋଟ ଦେଇଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ପୁଅ ପୁଲକିତ ।
ଦିଲ୍ଲୀ ସିଭିଲ ଲାଇନ୍ସ ଅଞ୍ଚଳ ସ୍ଥିତ ପୋଲିଂ ବୁଥକୁ ଯାଇ ଭୋଟ ଦେଇଛନ୍ତି । ପ୍ରଥମଥର ପାଇଁ ଭୋଟ ଦେଇଥିବା ପୁଲକିତ କହିଛନ୍ତି, ମୋତେ ଭୋଟ ପ୍ରକ୍ରିୟା ଭଲ ଲାଗିଲା । ବାପାଙ୍କ ପୁନଃ ବିଜୟ ନେଇ ପଚାରିବା ପରେ ଉତ୍ତରରେ ସେ କହିଛନ୍ତି, ଜନତା ଯାହାକୁ ଭୋଟ ଦେବେ ସେ ହିଁ ଦିଲ୍ଲୀର ମଙ୍ଗ ସମ୍ଭାଳିବେ ।
ଭୋଟ ଦେବା ପରେ କେଜ୍ରିୱାଲ ପରିବାର ସହ ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି । ପ୍ରଥମ ଥର ପୁଅ ଭୋଟ ଦେଇଥିବା ନେଇ ଖୁସି ବ୍ୟକ୍ତ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
