ଦିଲ୍ଲୀ: ଚଳିତ ନିର୍ବାଚନରେ ଆମ ଆଦମୀ ପାର୍ଟି ଦିଲ୍ଲୀ ଅକ୍ତିଆର କରିବାରେ ସମ୍ପୂର୍ଣ୍ଣ ସଫଳ ହୋଇଛି । ମୁଖ୍ୟମନ୍ତ୍ରୀ ଭାବରେ କେଜ୍ରିୱାଲଙ୍କୁ ପୁନର୍ବାର ଦିଲ୍ଲୀ ଦେଖିବ । ଏହା ରାଜନୀତିରେ ଏକ ନୂଆ ସମୀକରଣ ସୃଷ୍ଟି କରୁଥିବାବେଳେ ଅରବିନ୍ଦ କେଜ୍ରିୱାଲଙ୍କ ପରିବାରରେ ମଧ୍ୟ ଖେଳିଯାଇଛି ଖୁସୀର ଲହରୀ ।
କେଜ୍ରିୱାଲ ଭଉଣୀଙ୍କ ସହ ସ୍ବତନ୍ତ୍ର ସାକ୍ଷାତକାର
ଏପରି ସ୍ଥିତିରେ କେଜ୍ରିୱାଲଙ୍କ ଭଉଣୀ ରଞ୍ଜନା ଗୁପ୍ତା ଇଟିଭି ଭାରତକୁ ଦେଇଛନ୍ତି ସ୍ବତନ୍ତ୍ର ସାକ୍ଷାତକାର । ସେ କରିଛନ୍ତି, ଭାଇର ବ୍ୟକ୍ତିତ୍ବ ବିଷୟରେ ଛୋଟ ବେଳୁ ହିଁ ଜଣାପଡ଼ି ଯାଉଥିଲା । ସମାଜ ସେବା, ଗରୀବ ପିଲାଙ୍କୁ ମାଗଣା ପଢାଇବା ଆଦିରେ ଥିଲା ତାଙ୍କର ରୁଚି ।
ଦିଲ୍ଲୀବାସୀଙ୍କ ସ୍ବପ୍ନକୁ ଯେପରି ସେ ପୂରଣ କରିଛନ୍ତି ତାହା ଅବିଶ୍ବସନୀୟ । ମାଗଣା ଟିକିତ୍ସା, ମାଗଣା ବିଜୁଳି, ମାଗଣା ପାଣି, ମାଗଣା ଶିକ୍ଷା ଯୋଗୁଁ ପୁନର୍ବାର ଭାଇ ମୁଖ୍ୟମନ୍ତ୍ରୀ ଭାବେ ସେ ଅବତୀର୍ଣ୍ଣ ହୋଇଥିବା କହିଛନ୍ତି ଭଉଣୀ ରଞ୍ଜନା ।
