ନୂଆଦିଲ୍ଲୀ: ଦିଲ୍ଲୀରେ ସରକାର ଗଠନ ହେବାପରେ ବୁଧବାର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ମୁଖ୍ୟମନ୍ତ୍ରୀ ଭାବରେ କାର୍ଯ୍ୟଭାର ଗ୍ରହଣ କରିବା ପରେ କେଜ୍ରିୱାଲଙ୍କର ଗୃହମନ୍ତ୍ରୀ ଅମିତ ଶାହଙ୍କ ସହ ଏହା ପ୍ରଥମ ଔପଚାରିକ ସାକ୍ଷାତକାର । ସେମାନଙ୍କର ଏହି ବୈଠକ ଦିଲ୍ଲୀର ନର୍ଥ ବ୍ଲକରେ ହୋଇଛି ।
ଦିଲ୍ଲୀର 70 ଆସନ ବିଶିଷ୍ଟ ବିଧାନସଭା ନିର୍ବାଚନରେ କେଜ୍ରିୱାଲଙ୍କ ଆମ ଆଦମି ପାର୍ଟି 68ଟି ଆସନ ହାସଲ କରି ପୁଣିଥରେ ସରକାର ଗଢିବାରେ ସକ୍ଷମ ହୋଇଥିଲା । ସେପଟେ ବିଜେପି ହାତକୁ ମାତ୍ର 8ଟି ଆସନ ଆସିଥିବା ବେଳେ କଂଗ୍ରେସ ଖାତା ଖୋଲିବାରେ ମଧ୍ୟ ସକ୍ଷମ ହୋଇନଥିଲା ।
ଦିଲ୍ଲୀ ବିଧାନସଭା ନିର୍ବାଚନର ପ୍ରଚାର ସମୟରେ ଆପ ଏବଂ ବିଜେପି ନେତା ପରସ୍ପର ବିରୋଧରେ ବୟାନବାଜି କରିଥିଲେ । କିନ୍ତୁ ନିର୍ବାଚନ ଜିତିବା ପରେ କେଜ୍ରିୱାଲଙ୍କ ମଧ୍ୟରେ ଅନେକ ପରିବର୍ତ୍ତନ ଦେଖିବାକୁ ମିଳିଥିଲା । ନିଜ ଶପଥ ଗ୍ରହଣ ସମାରୋହରେ ଦେଇଥିବା ଭାଷଣରେ ସେ କେନ୍ଦ୍ର ସରକାର ଏବଂ ପ୍ରଧାନମନ୍ତ୍ରୀ ମୋଦିଙ୍କଠାରୁ ଆଶିର୍ବାଦ ଭିକ୍ଷା କରିଥିଲେ ।
@ANI
