ବିଶାଖାପାଟନମ୍: କୋରୋନା ସଂକ୍ରମଣ ହେତୁ ସମଗ୍ର ବିଶ୍ବ ଜଟିଳ ପରିସ୍ଥିତିର ସମ୍ମୁଖୀନ ହେଉଛି । ସ୍ବାସ୍ଥ୍ୟ କର୍ମଚାରୀଙ୍କ ପାଇଁ ସତର୍କତା ବିଶେଷ ଗୁରୁତ୍ବପୂର୍ଣ୍ଣ । କିନ୍ତୁ ସୁରକ୍ଷା ପାଇଁ ମାସ୍କ ଦାବି କରିବାରୁ ଆନ୍ଧ୍ରପ୍ରଦେଶର ବିଶାଖାପାଟନମରେ ଜଣେ ସରକାରୀ ଡାକ୍ତରଙ୍କୁ ଗିରଫ କରାଯାଇଛି ।
ଡାକ୍ତର ଜଣକ କୋରୋନା ରୋଗୀଙ୍କ ଚିକିତ୍ସା ପାଇଁ N-95 ମାସ୍କ ମାଗିଥିଲେ। ସରକାର ଏଥିପାଇଁ ଡ଼ଃ ସୁଧାକରଙ୍କୁ ନିଲମ୍ବିତ କରିଛନ୍ତି ଓ ତାଙ୍କୁ ବର୍ତ୍ତମାନ ମାନସିକ ସ୍ବାସ୍ଥ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ସୁଧାକର ବିଶାଖାପାଟନମ୍ ଜିଲ୍ଲାର ନରସିପାଟନମ୍ ଡାକ୍ତରଖାନାରେ କାର୍ଯ୍ୟରତ ଥିଲେ । ସରକାର ଡାକ୍ତରମାନଙ୍କୁ କୋରୋନା ପ୍ରଭାବିତ ପୀଡିତାଙ୍କୁ N-95 ମାସ୍କ ଯୋଗାଉ ନଥିବାରୁ ସେ ସରକାରଙ୍କୁ ସମାଲୋଚନା କରିଛନ୍ତି ।
ମାସ୍କ ପଚାରିବା ଭୁଲ୍ ... !!
ଏହି ଘଟଣା ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହା ପରେ ଏପ୍ରିଲ 8 ରେ ଡାକ୍ତର ସୁଧାକରଙ୍କୁ ନିଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଥିଲା । ଡାକ୍ତର ସୁଧାକର 16 ମେ 2020ରେ ବିଶାଖାପାଟନମର ପୋର୍ଟ ହସ୍ପିଟାଲ ସମ୍ମୁଖରେ ଅର୍ଦ୍ଧ ଉଲଗ୍ନ ହୋଇ ବିରୋଧ କରିଥିଲେ। ଏହାପରେ ସ୍ଥାନୀୟ ଲୋକମାନେ ପୋଲିସ ନିକଟରେ ଅଭିଯୋଗ କରିଥିଲେ।
କେଜିଏଚ୍ ଡାକ୍ତରମାନେ କହିଛନ୍ତି ଯେ ସୁଧାକରଙ୍କ ମାନସିକ ଅବସ୍ଥା ଭଲ ନଥିଲା। ପୋଲିସ ତାଙ୍କୁ ସରକାରୀ ମାନସିକ ରୋଗ ଚିକିତ୍ସାଳୟକୁ ନେଇଥିଲା। ସୁଧାକରଙ୍କ ଉପରେ ଧାରା 353, 427 ଅନୁଯାୟୀ ଏକ ମାମଲା ରୁଜୁ ହୋଇଛି।
ମୋ ପୁଅକୁ ଧମକ
ବିଶାଖାପଟଣମରେ ସୁଧାକରଙ୍କ ମାଆ ପୋଲିସ କମିଶନରଙ୍କୁ ଭେଟିଥିଲେ। ସେ କହିଛନ୍ତି ଯେ ତାଙ୍କ ପୁଅର ଜୀବନ ପ୍ରତି ବିପଦ ରହିଛି । ସେ କାନ୍ଦି କାନ୍ଦି କହିଥିଲେ ଯେ ତାଙ୍କ ପୁଅ ସହିତ କିଛି ବି ହୋଇପାରେ । ସୁଧାକରକୁ ହାଜର ପାଇଁ କୋର୍ଟକୁ ନେବା ସମୟରେ ତାଙ୍କ ମାଆ ମଧ୍ୟ ଭିତରକୁ ଯିବାକୁ ପୋଲିସ କମିଶନର ଆର.କେ ମୀନାଙ୍କୁ ଅନୁରୋଧ କରିଥିଲେ।
ରାଜନୈତିକ ଦଳଗୁଡିକର ପ୍ରତିକ୍ରିୟା
ଡାକ୍ତରଖାନାରେ ଉପଯୁକ୍ତ ସୁବିଧା ମାଗିଥିବା ଡାକ୍ତରଙ୍କୁ ଗିରଫ କରିଥିବାରୁ ବିରୋଧୀ ସରକାରଙ୍କୁ ତୀବ୍ର ସମାଲୋଚନା କରିଛନ୍ତି । ଏହି ଘଟଣାକୁ ନେଇ ଟିଡିପି, ବିଜେପି, ଜନସେନା ଦଳ ସରକାରଙ୍କୁ ଘେରିଛନ୍ତି । ଏହି ମାମଲାରେ ବ୍ୟାପକ ତଦନ୍ତ କରାଯିବା ଆବଶ୍ୟକ ବୋଲି ଦାବି କରିଛନ୍ତି ବିଭିନ୍ନ ରାଜନୈତିକ ଦଳ ।
ହାଇକୋର୍ଟଙ୍କ ପାଇଁ ଦୁଃଖଦ ଘଟଣା
ମେ 18ରେ ଡାକ୍ତର ସୁଧାକରଙ୍କ ଗିରଫଦାରୀ ଉପରେ ହାଇକୋର୍ଟରେ ଜନସ୍ୱାର୍ଥ ମାମଲା ଦାଖଲ କରାଯାଇଥିଲା। ଅର୍ଦ୍ଧନଗ୍ନ ଭାବେ ଡାକ୍ତରଙ୍କୁ ଗିରଫ କରାଯାଇ ଡାକ୍ତରଙ୍କ ଅଧିକାରକୁ କ୍ଷୁର୍ଣ୍ଣ କରାଯାଇଥିବା ଏହି ମାମଲାରେ ଉଲ୍ଲେଖ ଅଛି ।
ଅନ୍ୟପକ୍ଷରେ ଟିଡିପି ମହିଳା ନେତା ସମାନ ପ୍ରସଙ୍ଗରେ ହାଇକୋର୍ଟଙ୍କୁ ଚିଠି ଲେଖିଛନ୍ତି। ଏଥିରେ ଏକ ସମ୍ପର୍କିତ ଭିଡିଓ ସଂଲଗ୍ନ ହୋଇଛି | ଭିଡିଓ ଯାଞ୍ଚ କରିଥିବା ହାଇକୋର୍ଟ ଏହି ପ୍ରସଙ୍ଗକୁ ଗମ୍ଭୀରତାର ସହ ନେଇଛନ୍ତି ।
ଡାକ୍ତରଙ୍କୁ କୋର୍ଟରେ ହାଜର ହେବାକୁ କୁହାଯାଇଥିଲା । 20ରେ ହାଇକୋର୍ଟଙ୍କ ଦ୍ୱାରା ହୋଇଥିବା ଶୁଣାଣି ସରକାରଙ୍କୁ ସମ୍ପୂର୍ଣ୍ଣ ବିବରଣୀ ଉପରେ ନିଜର ମତ ରଖିବାକୁ କୁହାଯାଇଥିଲା । ପରବର୍ତ୍ତୀ ଶୁଣାଣି ଶୁକ୍ରବାରକୁ ଘୁଞ୍ଚାଇ ଦିଆଯାଇଛି ।
CM ଜଗନ୍ଙ୍କୁ IMA ର ଚିଠି
19 ମେ 2020ରେ ଆଇଏମଏ (ଇଣ୍ଡିଆନ ମେଡିକାଲ ଆସୋସିଏସନ) ସୁଧାକର ପ୍ରସଙ୍ଗରେ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡିଙ୍କୁ ଏକ ଚିଠି ଲେଖିଥିଲେ। ମୁଖ୍ୟମନ୍ତ୍ରୀଙ୍କୁ କୁହାଯାଇଛି ଯେ ସୁଧାକରଙ୍କ ପ୍ରତି ପୋଲିସ ଅମାନବୀୟ ଆଚରଣ କରୁଛି। ଏହି ପ୍ରସଙ୍ଗରେ ରାଜ୍ୟ ଡାକ୍ତର ସଂଘ ଦୁଃଖ ପ୍ରକାଶ କରିଛି। ଏହା ସ୍ପଷ୍ଟ ହୋଇଛି ଯେ ଯଦି ସୁଧାକରଙ୍କୁ ନ୍ୟାୟ ନ ମିଳେ ତେବେ ଭବିଷ୍ୟତରେ ଆନ୍ଦୋଳନ ଜୋରଦାର କରାଯିବ ।
