ନୂଆଦିଲ୍ଲୀ: ଜୀବନକୁ ବାଜି ଲଗାଇ ଦେଶର ଗୌରବ ତ୍ରିରଙ୍ଗାକୁ ରକ୍ଷା କଲେ ଜଣେ ସାମ୍ବାଦିକା । ଶହ ଶହ ପାକିସ୍ତାନୀ ପ୍ରଦର୍ଶନକାରୀ ତ୍ରିରଙ୍ଗାର ଅସମ୍ମାନ କରୁଥିବା ବେଳେ ତାଙ୍କ ପାଖରୁ ତ୍ରିରଙ୍ଗାକୁ ଛଡାଇ ଆଣିଲେ ଏହି ସାମ୍ବାଦିକା ।
ଭିଡିଓ ସୌଜନ୍ୟ: ଟ୍ବିଟର@ANI
ଅଗଷ୍ଟ 15 ତାରିଖରେ ଲଣ୍ଡନ ସ୍ଥିତ ଭାରତୀୟ ଉଚ୍ଚାୟୋଗ ସାମ୍ନାରେ ସ୍ବାଧୀନତା ଦିବସ ପାଳନ କରାଯାଉଥିଲା । ସେହି ସମୟରେ ଶହ ଶହ ସଂଖ୍ୟାର ପାକିସ୍ତାନୀ ଏବଂ ଖାଲିସ୍ଥାନୀ ସମର୍ଥକ ସେଠାରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ । ସେମାନେ ତ୍ରିରଙ୍ଗାକୁ ତଳେ ପକାଇ ତାର ଅସମ୍ମାନ କରିବା ସହ ଚିରିବାକୁ ପ୍ରୟାସ କରୁଥିଲେ । ତେବେ ପାକିସ୍ତାନୀ ସମର୍ଥକଙ୍କ ଏଭଳି ଘୃଣନୀୟ କାର୍ଯ୍ୟକଳାପ ବିରୋଧରେ ଠିଆ ହୋଇଥିଲେ ଏଏନଆଇର କାର୍ଯ୍ୟରତ ସାମ୍ବାଦିକା ପୁନମ ଜୋଶୀ । ସେ ସେମାନଙ୍କଠାରୁ ତ୍ରିରଙ୍ଗାକୁ ଛଡାଇ ଆଣି ଦେଶଭକ୍ତିର ଉଦାହରଣ ସୃଷ୍ଟି କରିଛନ୍ତି ।
