ପଞ୍ଜାବ: ଗତକାଲି ମଧ୍ୟରାତ୍ରୀରେ ଶୁଣିବାକୁ ମିଳିଥିଲା ଏକ ଶବ୍ଦ । ଯାହାକୁ ନେଇ ଏବେ ସୋସିଆଲ ମିଡିଆରେ ଜୋର ଧରିଛି ଚର୍ଚ୍ଚା । ପଞ୍ଜାବର ଅମ୍ରିତସର ସହରରେ ଗତକାଲି ମଧ୍ୟରାତ୍ରୀରେ ଶୁଣିବାକୁ ମିଳିଥିଲା ଏହି ଶବ୍ଦ । ତେବେ ଏହି ଶବ୍ଦ କେଉଁଠି ଆସିଥିଲା କିଏ କରିଥିଲା ସେ ନେଇ ଏଯାବତ୍ କୌଣସି ସୂଚନା ମିଳିପାରିନାହିଁ ।
ମାତ୍ର ଏହି ଖବର ଏବେ ସୋସିଆଲ ମିଡିଆରେ ନିଆଁ ପରି ବ୍ୟାପିବାରେ ଲାଗିଛି । ତେବେ ସେଠାକାର କିଛି ସ୍ଥାନୀୟ ଲୋକେ ଏହି ଶବ୍ଦ ଶୁଣିବାପରେ ଏହାକୁ ନେଇ ଚର୍ଚ୍ଚା ଚାଲିଛି ।
ମିଳିଥିବା ସୂଚନା ଅନୁସାରେ, ରାତିର ପ୍ରାୟ 1ଟା ବେଳେ ସହରବାସୀ ଏକ ଶବ୍ଦ ଶୁଣିଥିଲେ । ଏହାକୁ ନେଇ କିଛି ଲୋକ ସୋସିଆଲ ମିଡିଆରେ ଗୁଜବ ସୃଷ୍ଟି କରିଥିଲେ । ଯାହାକୁ ନେଇ କିଛି ଲୋକ ପଞ୍ଜାବରେ ଧମାକା ହୋଇଥିବା ମଧ୍ୟ କହିଥିଲେ । କିନ୍ତୁ ସ୍ଥାନୀୟ ପୋଲିସ୍ ଏବଂ ପ୍ରଶାସନ ଏ ସମ୍ପର୍କରେ କୌଣସି ସୂଚନା ନଥିବାର କହିଛି ।
ଏହାସହ ପୋଲିସ ମଧ୍ୟରାତ୍ରୀରେ ସେଠାରେ ପହଞ୍ଚି ଲୋକଙ୍କୁ ବୁଝାଇବାକୁ ଚେଷ୍ଟା କରିଥିଲେ । କୌଣସି ଗୁଜବ ଉପରେ ଧ୍ୟାନ ନଦେବା ପାଇଁ କହିଥିଲା ।
ଏଠାରେ ସୂଚନାଯୋଗ୍ୟ, ପଞ୍ଜାବର ଅମୃତସର ଭାରତ-ପାକ୍ ସୀମାର 33 କିମି ଦୂରରେ ଅବସ୍ଥିତ । ଯେଉଁ କାରଣରୁ ଲୋକେ ଏହାକୁ ପାକ ଦ୍ବାରା କୌଣସି ବିସ୍ଫୋରଣ କିମ୍ବା ଆକ୍ରମଣ ବୋଲି ଭାବୁଛନ୍ତି ।
