କୋଲକାତା: ଗୃହମନ୍ତ୍ରୀ ଅମିତ ଶାହାଙ୍କୁ ଟାର୍ଗେଟ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ପଶ୍ଚିମବଙ୍ଗ ଗସ୍ତ ସମୟରେ ଅମିତ ଶାହା ଜଣେ ଆଦିବାସୀ କର୍ମୀଙ୍କ ଘରେ ଖାଇଥିବାର ଫଟୋ ସେୟାର କରିଥିବାବେଳେ ଏହାକୁ ଖଣ୍ଡନ କରିଛନ୍ତି ମମତା । ଆଦିବାସୀ ପରିବାର ପ୍ରସ୍ତୁତ କରିଥିବା ଖାଦ୍ୟ ଅମିତ୍ ଶାହ ନଖାଇ ବାହାରୁ ମଗାଇ ଖାଇଥିବା ସେ କହିଛନ୍ତି ।
କେବଳ ଲୋକଦେଖାଣିଆ ପାଇଁ ସେ ଆଦିବାସୀଙ୍କ ଘରେ ଖାଇଥିବା ଦେଖାଉଥିବା ମମତା ଦର୍ଶାଇଛନ୍ତି । ବାଙ୍ଗୁର ଜିଲ୍ଲା ମମତା ରବିବାର ଗସ୍ତ କରିଥିବାବେଳେ ଏପରି ଅଭିଯୋଗ ଆଣିଛନ୍ତି । ଗୃହମନ୍ତ୍ରୀ ଅମିତ ଶାହା ପଶ୍ଚିମବଙ୍ଗ ଗସ୍ତ ସମୟରେ ବାଙ୍ଗୁର ଜିଲ୍ଲା ଗସ୍ତ କରିଥିଲେ ।
ସେଠାରେ ଦଳୀୟ କର୍ମୀଙ୍କ ସହିତ ଆଲୋଚନା କରିବା ସହ ଜଣେ ଆଦିବାସୀ କର୍ମୀଙ୍କ ଘରେ ଖାଉଥିବାର ଫଟୋ ସେୟାର କରିଥିଲେ । ଯାହାକୁ ନେଇ ମମତା ରବିବାର ଶାହାଙ୍କୁ ଟାର୍ଗେଟ କରିଛନ୍ତି ।
ସୂଚନାଥାଉକି, 2021 ମସିହାରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବ । ଯାହାକୁ ନେଇ ଏବେଠୁ ସମସ୍ତ ଦଳ ନିଜ ନିଜ ରଣନୀତି ଆରମ୍ଭ କରିବା ସହ ପରସ୍ପର ଆରୋପ ପ୍ରତ୍ୟାରୋପରେ ଲାଗିପଡିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
