ଚଣ୍ଡିଗଡ: ଫ୍ରାନ୍ସରୁ ଆସୁଥିବା ରାଫେଲ ବିମାନର ପ୍ରଥମ ବ୍ୟାଚ୍ 29 ଜୁଲାଇରେ ଭାରତରେ ପହଞ୍ଚିବ । ଏହି 5ଟି ରାଫେଲ ବିମାନ ଭାରତରେ 7 ହଜାର କିଲୋମିଟର ଦୂରତା ଅତିକ୍ରମ କରି ପହଞ୍ଚିବ। ଏହି ରାଫେଲ ବିମାନଗୁଡିକ ଅମ୍ବାଲା ଠାରେ ଥିବା ଭାରତୀୟ ବାୟୁସେନାରେ ସାମିଲ କରାଯିବ । ରାଫେଲକୁ ସ୍ବାଗତ କରିବାକୁ ଅମ୍ବାଲା ଏୟାରବେସ୍ ମଧ୍ୟ ସମ୍ପୂର୍ଣ୍ଣ ପ୍ରସ୍ତୁତ ।
ଭାରତରେ ରାଫେଲ ବିମାନର ଆଗମନକୁ ଦୃଷ୍ଟିରେ ରଖି ଅମ୍ବାଲା ଏୟାର ବେସ ପାଇଁ ସୁରକ୍ଷା ବ୍ୟବସ୍ଥା ମଧ୍ୟ କଡାକଡି କରାଯାଇଛି। ବର୍ତ୍ତମାନ ଅମ୍ବାଲା ଏୟାରବେସର 3 କିଲୋମିଟର ବ୍ୟାସାର୍ଦ୍ଧରେ ‘ନୋ ଡ୍ରୋନ୍ ଜୋନ୍’ ଘୋଷଣା କରାଯାଇଛି। ଏୟାରବେସର 3 କିଲୋମିଟର ମଧ୍ୟରେ ଡ୍ରୋନ୍ ସମ୍ପୂର୍ଣ୍ଣ ନିଷେଧ ହେବ। ଯଦି କେହି ଏହାକୁ ଉଲ୍ଲଂଘନ କରନ୍ତି ତେବେ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଏନେଇ ଅମ୍ବାଲା କ୍ୟାଣ୍ଟନମେଣ୍ଟର ଡିଏସପି ରାମ କୁମାର ସୂଚନା ଦେଇଛନ୍ତି। ଏହି ଯୁଦ୍ଧ ବିମାନ ଚୀନ ସୀମାଠାରୁ ପ୍ରାୟ 300 କିଲୋମିଟର ଦୂରରେ ଥିବା ଅମ୍ବାଲା ଏୟାରବେସରେ ନିୟୋଜିତ ହେବ। ଏହି କାରଣରୁ ଅମ୍ବାଲା ଏୟାରବେସରେ ମଧ୍ୟ କଡା ବ୍ୟବସ୍ଥା କରାଯାଇଛି। ସୁରକ୍ଷାକୁ ଦୃଷ୍ଟିରେ ରଖି ଅମ୍ବାଲା ଏୟାରବେସ ସମ୍ପର୍କରେ ପ୍ରଶାସନ କଡା ପଦକ୍ଷେପ ନେଇଛି।
2016 ରେ 36 ରାଫେଲ ବିମାନ ପାଇଁ ଫ୍ରାନ୍ସ ସହିତ ଏକ ଚୁକ୍ତି ହୋଇଥିଲା। ତେବେ କୋରୋନା ସଙ୍କଟ ଯୋଗୁଁ ବିମାନ ବିତରଣରେ ସାମାନ୍ୟ ବିଳମ୍ବ ହୋଇଥିଲା। ଚୁକ୍ତିନାମା ଅନୁଯାୟୀ, ଭାରତକୁ 2 ବର୍ଷରେ 36 ଟି ରାଫେଲ ବିମାନ ମିଳିବ । । ଅନ୍ୟଟି ପଶ୍ଚିମବଙ୍ଗର ହାସିମାରା ଠାରେ ରହିବ।
