ଅହମ୍ମଦାବାଦ: ଚଳିତ ନିର୍ବାଚନରେ କଂଗ୍ରେସର ପ୍ରଦର୍ଶନ ପରେ ଧିରେ ଧିରେ ହାତ ଛାଡୁଛନ୍ତି ନେତା । ଗୁଜୁରାଟର ପୂର୍ବତନ କଂଗ୍ରେସ ନେତା ଅଳ୍ପେଶ ଠାକୁର ସୋମବାର ରାଜ୍ୟର ଉପମୁଖ୍ୟମନ୍ତ୍ରୀ ନିତିନ ପଟେଲଙ୍କ ସହ ସାକ୍ଷାତ କରିଛନ୍ତି । ସେ ବିଜେପିରେ ଯୋଗ ଦେବା ନେଇ ଚର୍ଚ୍ଚା ଜୋର ଧରିଛି ।
ସୂଚନା ଅନୁସାରେ ପାଟନ ଜିଲ୍ଲାର ରାଧନପୁରରୁ ବିଧାୟକ ଅଳ୍ପେଶ ଠାକୁର 2019 ନିର୍ବାଚନ ପୂର୍ବରୁ କଂଗ୍ରେସର ହାତ ଛାଡି ଦେଇଥିଲେ । ଉପ ମୁଖ୍ୟମନ୍ତ୍ରୀଙ୍କ ଗାନ୍ଧୀନଗରସ୍ଥିତ ବାସଭବନରେ ତାଙ୍କୁ ସାକ୍ଷାତ କରିଛନ୍ତି ଅଳ୍ପେଶ । ଉଭୟଙ୍କ ମଧ୍ୟରେ ପ୍ରାୟ ଅଧ ଘଣ୍ଟା ଧରି ବୈଠକ ହେଲା ।
ସୂଚନା ଥାଉକି 2017 ଗୁଜୁରାଟ ବିଧାନସଭା ନିର୍ବାଚନରେ କଂଗ୍ରେସ ଅପେକ୍ଷାକୃତ ଭଲ ପ୍ରଦର୍ଶନ କରି ବିଜେପିକୁ 99 ଆସନରୁ ହରାଇଥିଲା । କଂଗ୍ରେସ 81 ଆସନ ହାତେଇଥିଲା । କିଛି ବର୍ଷ ପୂର୍ବେ କଂଗ୍ରେସର ପ୍ରଦର୍ଶନ ଭଲ ଥିଲା । କଂଗ୍ରେସର ଏହି ବିଜୟ ପଛରେ ଯୁବନେତା ଠାକୁରଙ୍କର ହାତ ଥିବା ଚର୍ଚ୍ଚା କରାଯାଏ । ତେବେ ଚଳିତ ଲୋକସଭା ନିର୍ବାଚନ ପରେ କଂଗ୍ରେସରୁ ଇସ୍ତଫା ଦେଇଛନ୍ତି ଅଳ୍ପେଶ ଠାକୁର ।
