ଲକ୍ଷ୍ନୌ: ମିଥ୍ୟା ଜନ୍ମ ପ୍ରମାଣ ପତ୍ର ମାମଲାରେ ଛନ୍ଦି ହୋଇଥିବା ସମାଜବାଦୀ ପାର୍ଟି ସାଂସଦ ଆଜମ ଖାନଙ୍କୁ ଆଉ ଏକ ଆଶ୍ବସ୍ତି । ଏହି ମାମଲାରେ ଆଜମ ଓ ତାଙ୍କ ବିଧାୟିକା ପତ୍ନୀ ତାଞ୍ଜିନ ଫତିମାଙ୍କ ସମେତ ପୁଅ ଅବଦୁଲ୍ଲା ଆଜମକୁ ସର୍ତ୍ତମୂଳକ ଜାମିନ ଦେଇଛନ୍ତି ଆହ୍ଲାବାଦ ଉଚ୍ଚ ନ୍ୟାୟାଳୟ ।
ପ୍ରମାଣ ନଷ୍ଟ ନକରିବା , ସାକ୍ଷୀଙ୍କୁ ପ୍ରଭାବିତ ନକରିବା ସହ ତଦନ୍ତ ପ୍ରକ୍ରିୟାରେ ସମ୍ପୁର୍ଣ୍ଣ ସହଯୋଗ କରିବା ପରି ସର୍ତ୍ତ ରଖି ଏହି ଜାମିନ ମଞ୍ଜୁର କରିଛନ୍ତି କୋର୍ଟ । ଏକ ମିଥ୍ୟା ପ୍ରମାଣପତ୍ର ମାମଲାରେ ଆଜମ ଖାନଙ୍କ ସହ ତାଙ୍କ ବିଧାୟିକା ପତ୍ନୀ ଓ ପୁତ୍ର ମଧ୍ୟ ଗିରଫ ହୋଇଥିଲେ । ଏନେକ ବିବାଦୀୟ ମାମଲାରେ ଛନ୍ଦି ହୋଇଥିବା ଆଜମ ଏହି ମାମଲାରେ ଜାମିନ ପାଇଥିବା ସତ୍ତ୍ବେ ଆହୁରି 80 ରୁ ଉର୍ଦ୍ଧ ମାମଲାରେ ପକ୍ଷଭୁକ୍ତ ଥିବା ଉତ୍ତର ପ୍ରଦେଶ ପୋଲିସ ପକ୍ଷରୁ ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
