ଭୋପାଳ: ମଧ୍ୟପ୍ରଦେଶ ପୋଲିସ ଉପରେ ମଦ ମାଫିଆଙ୍କ ଆକ୍ରମଣ । ଆକ୍ରମଣରେ ଦୁଇ ଜଣ ପୋଲିସ ଆହତ ହୋଇଥିବାବେଳେ ଜଣେ ଗୁରୁତର ଅଛନ୍ତି । ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।
ରବିବାର ରାତିରେ ମୁରେନା ଜିଲ୍ଲାର ସୁମାବଳୀ ଅଞ୍ଚଳରେ ଚୋରା ମଦ ଜବତ କରିବାକୁ ଯାଇଥିବା ପୋଲିସଙ୍କ ଉପରେ ମଦ ମାଫିଆମାନେ ଅତର୍କିତ ଆକ୍ରମଣ କରିଥିଲେ । ତେବେ ଆକ୍ରମଣ ପରେ ପୋଲିସ ଦୁର୍ବୃତ୍ତଙ୍କ ବିରୋଧରେ ମାମଲା ରୁଜୁ କରି ଖୋଳତାଡ ଆରମ୍ଭ କରିଛି ।
ପୋଲିସ ଉପରେ ମଦ ମାଫିଆଙ୍କ ଆକ୍ରମଣ, ଦୁଇ ଆହତ
ସୂଚନା ଥାଉକି, ମାସେ ପୂର୍ବରୁ ମଦ ଜବତ କରିବାକୁ ଯାଇଥିବା ବାନମୋର ପୋଲିସ ଉପରେ ମଧ୍ୟ ଏପରି ଅତର୍କିତ ଆକ୍ରମଣ ହୋଇଥିଲା । ଯେଉଁଥିରେ ଥାନାଧିକାରୀ ସହିତ ତିନି ଜଣ ପୋଲିସ ଆହତ ହୋଇଥିଲେ ।
