ନୂଆଦିଲ୍ଲୀ: ରାମ ଜନ୍ମଭୂମି-ବାବ୍ରି ମସଜିଦ ମାମଲାର ଶୁଣାଣୀ ପରେ ଏବେ ଅନ୍ତିମ ରାୟକୁ ଅପେକ୍ଷା । ସୁପ୍ରିମକୋର୍ଟଙ୍କ ଶେଷ ରାୟକୁ ଚାହିଁ ରହିଛନ୍ତି ଦେଶବାସୀ । ବୁଧବାର ମୁସଲିମ ପକ୍ଷ ଓ ହିନ୍ଦୁ ପକ୍ଷ ସମେତ ଅନ୍ୟ ଚାରି ପକ୍ଷରୁ ହୋଇଥିବା ଯୁକ୍ତି ଉପସ୍ଥାପନାର ଶୁଣାଣୀ ପରେ ଗୁରୁବାର ଉଚ୍ଚସ୍ତରୀୟ ବୈଠକ କରିଛନ୍ତି ଖଣ୍ଡପୀଠ।
ସୁପ୍ରିମକୋର୍ଟର ମୁଖ୍ୟ ବିଚାରପତି ରଞ୍ଜନ ଗୋଗେଇଙ୍କ ଅଧ୍ୟକ୍ଷତାରେ ବସିଛି ପାଞ୍ଚ ଜଣିଆ କମିଟି ବୈଠକ । ସୁତ୍ର ମୁତାବକ ରାୟକୁ ଶୀଘ୍ର ଶୁଣାଇବା ଦିଗରେ ଖଣ୍ଡପୀଠ କରିଛନ୍ତି ଆଲୋଚନା । ଶୁଣାଣୀ ସରିବାର 23 ଦିନ ଅର୍ଥାତ ନଭେମ୍ବର 17 ତାରିଖ ସୁଦ୍ଧା ରାୟ ପ୍ରକାଶ ପାଇବା ଏକପ୍ରକାର ନିଶ୍ଚିତ ହୋଇଛି ।
କିନ୍ତୁ ଏହି ତାରିଖକୁ ଆହୁରି କମ କରି 10 ରୁ 15 ତାରିଖ ମଧ୍ୟରେ ଶେଷ ରାୟ ପ୍ରକାଶ କରିବାକୁ ଆଲୋଚନା କରିଛି କମିଟି । ଆହ୍ଲାବାଦ ହାଇକୋର୍ଟ ଦେଇଥିବା ରାୟକୁ ମଧ୍ୟ ବିଚାରକୁ ନିଆଯିବ । ଏଥିସହିତ ଜଜ୍ ସମସ୍ତ ପକ୍ଷକାରଙ୍କ ଦସ୍ତାବିଜ ଓ ସଂରକ୍ଷିତ ତଥ୍ୟର ବିଚାର ବିମର୍ଶ ପରେ ରାୟ ପ୍ରକାଶ କରିପାରନ୍ତି।
